لە یاری سێیەمدا خولی تۆپی بالە؛ تیپی فێرخوازانی به‌شى شیکارى کیمیایی پزیشکى توانیان سەرکەون بەسەر تیپی فێرخوازانی بەشی یاسا .
لە درێژەی یارییەکانی خولی بالەی ناوەخۆی زانکۆی جیهان هەولێر بۆ فێرخوازانی سەرجەم بەشە زانستیەکان ، لە یاری سیێەمی خولەکەدا، كە لە ڕۆژی چوارشەممە ڕێکەوتی 26/11/2025 یارییەکی پڕ چێژو دراماتیکی و پڕ کێشبرکێ بەڕێوەچوو ، فێرخوازانی بەشی شیکاری کیمایی پزیشکی توانیان سەرکەون بە سەر فێرخوازانی بەشی یاسا.
لە گێمی یەکەمی یارییەكەدا پێچەوانەی پێشبینەکان دەستپێکی خراپ بوو بۆ فێرخوازانی بەشی شیکاریی کیمایی پزیشکی ،کە دووچاری شکت هاتن بە ئەنجامی (25-15) خاڵ و بەشی یاسا باڵادەستی نواندو ڕایگەیاند کە تپێکی ئاسان نیە و ئامادەی پێشبڕکێیە .
لە گێمی دووەمدا دوای یارییەکی گەرم و گوڕو پڕ هێرش و بەرگری کردن ، دوای یەکخستنەوەی تیم و چارەسەرکردنی کەم وکوڕییەکان فێرخوازانی بەشی شیکاری کیمایی پزیشکی توانیان بڕاوەی گێمی دووەم بن بە ئەنجامی ( 25-20) .
لە گێمی سێیەمدا تەژی لە کێشبڕکێ و حەماسەت کە زیاتر لە یارییەکی پاڵەوانیەتیەکی یانەکان دەچوو ، فێرخوازانی بەشی یاسا دیسان دەنگ و سەدای و قورسی خۆییان لە یارییەکە دووپاتکردەوە و توانیان ئەو گێمە لە بەرژەوەندی خۆییان یەکلایی بکەنەوە بە ئەنجامی (25-17) .
لە گێمی چوارەم و لە یارییەکی هەستیاردا کە یاریزانەکان زۆر بە هەستاری و وردی مامەڵەیان لەگەل هەر بەرکەوتنێک دەکرد لەگەڵ تۆپدا ، فێرخوازانی بەشی شیکاری کیمایی پزیشکی ڕێکخراوانەتر وبە پلانی جێگرتر بڕاوەی ئەو گێمە بوون بە ئەنجامی (25-19) .
بۆ یەکلایی کردنەوەی یارییەکە و دەستنیشانکردنی بڕاوەی ئەو یارییە قورسە و چارەنوسسازەدا ، ناوبژیوان پەنای بردە بەر گێمی یەکلاکەرەوەی پێنجەم کە لە (15)خاڵ یاری دەکرێ ، دووبارە یاریگا کلپەی گرت و دەنگی ڕاهێنەر و خۆشی دەربڕێنی یاریزانەکان دوای بە دەستهێنانی هەر خاڵێک ئاوازێکی وایاندەدا بە گۆێی بینەران کە لە یارییەکی خولی نایابدان ، بەشی یاسا بە پشت بەستن بە بەرگری و بەشی شیکاری کیمایی پزیشکی بە هێرشبەری دەستیان پێکرد ، بەڵام ماندویەتی و کەمی شارەزایی لەو جۆرە بارودۆخانەدا وای کرد فێرخوازانی بەشی یاسا لە کۆتاییدا ئاڵای خۆبەدەستەوەدان لەو یارییە بەرزبکەنەوە و پیرۆزبایی سەرکەوتن لە فێرخوازانی بەشی شیکاری کیمایی پزیشکی بکەن،کە گێمی پێنجەم بە ئەنجامی (15- 7) لە بەرژەوەندی بەشی شیکاری کیمایی پزیشکی بەکۆتا هات و براوەی یارییەکە بوو .
