بەشی زانستی كۆمپیوتەر

له‌ سالى 2007 دامه‌زراوه‌

5
Labs
215
بابه‌تى خویندن
18
ئه‌ندامى فیركارى
393
قوتابي كور و كچ

خویندنى به‌یانیان و ئیواران

وەسفی بەش

بەشی زانستەكانی كۆمپیوتەر بە یەكێك لە بەشە گرنگەكانی زانكۆی جیهان ئەژمار دەكرێت . لەساڵی 2007 دامەزراوە , واتە لەگەڵ دامەزراندنی زانكۆی جیهان . ئەم بەشە گرنگی دەدات بە بەكارهێنانی شێوازە تیۆری و پراكتیكیەكان بۆ چارەسەركردن و گواستنەوەی زانیاریەكان لەرێگەی كۆمپیوتەرەوە . ماوەی خوێندن لەم بەشە چوار ساڵە و دەرچوانی بڕوانامەی بەكالۆریۆسیان پێدەدرێت لە بواری زانستەكانی كۆمپیوتەر . ئەم بەشە دەرچوانی ئامادەیی لقی زانستی وەردەگرێت هەروەها گرنگی دەدات بە بونیاتنانی زانیاری و مەعریفی تایبەتمەند لای قوتابیان لە بواری كۆمپیوتەردا بەمەبەستی ئامادەكردنیان لە بوارەكانی پڕۆگرامسازی و بەكارهێنانی تۆڕی كۆمپیوتەری و پەرەدان بە سیستەمە جیاوازەكانی كۆمپیوتەر لە دەزگا فەرمیە جۆراوجۆرەكان , هەروەها لە دامەزراوە و كۆمپانیا تایبەتەكان لە دوای دەرچوون لە زانكۆ , بەمەش شیاو دەبێت بۆ چوونە نێو بازاڕی كار بە سەركەوتوویی .

روانین

دانانی بنكەیەكی زانستی لە داهێنانكاران و پسپۆڕان لە زانستی كۆمپیوتەری و پڕۆگرامسازی و ئەو بوارانەی كە پەیوەندیان هەیە بە زانست و ئەپڵیكەیشنەكانی كۆمپیوتەر , لەگەڵ هەوڵی بەردەوام بۆ ئامادەكردنی پلانەكان بۆ پەرەپێدانی ئامراز ەكانی خوێندن بەمەبەستی گەرەنتی كردنی تەواوكردنی پێوەرەكانی باشی . هەروەها رژد بوون لەسەر ئامادەكردنی دەرچووی جیاواز و ناوازە كە بتوانێت داواكاری و پێویستیەكانی بازاڕی كار پڕبكەنەوە و دوانەكەون لەو گەشەسەندنە گەورەیەی كە لە بواری تەكنەلۆژیای زانیاریەكان و گەیاندندا هەیە . هەروەها بتوانن خوێندنی باڵای خۆیان تەواو بكەن بۆ بەدەست هێنانی بڕوانامەی ماجستێر و دكتۆرا لەبوارە پسپۆڕیەكان و ئەنجامدانی توێژینەوەی زانستی ئاست بەرز

پەیام

ئامادەكردنی دەرچووی شیاو كە بتوانن لێهاتوویانە مامەڵە لەگەڵ پڕۆگرامەكان و پڕۆگرامسازی و زانیاریەكان بكەن لەگەڵ كاركردن لەسەر فەراهەمكردنی هەلی گونجاو بۆ گەشەدان بە تواناكانی كۆمەڵگە , سوود وەرگرتن لەو پێشكەوتنەی كە رووی داوە لە تەكنەلۆژیای زانیاریەكان سەرەڕای پێشەنگی لە بواری فێركردن و پەروەردەیی و ئەكادێمی و توێژینەوەیی , بەشێوەیەك وا لەبەشەكە بكات كە بتوانێت پڕۆگرامسازی خاوەن كارامەیی بەرز و لێهاتوو بخاتە نێو كۆمەڵگە كە توانایان هەیە بەشدار بن لە بونیاتنانی دامەزراوە جۆراوجۆرەكانی و گواستنەوەی زانیاری بۆی

ئامانجەكان

1. دەرچوواندنی كادیری پسپۆڕ كە توانای وەڵامدانەوەی داواكاری و پێداویستیەكانی بازاڕی كاری هەبێت و هەڵگری مەعریفەی تیۆری و پراكتیكی بن و خاوەن كارامەییە سەرەكیەكان بن بۆ بەكارهێنانی كۆمپیوتەر لە هەرێمی كوردستان و عێڕاق و زانكۆكانی عێڕاق .
2. . پاڵپشتی كردنی خوێندنە پراكتیكیە پەیوەنددارەكان بە پەرەپێدانی سیستەم و چارەسەریە پڕۆگرامیەكان .
3. دانانی ئەو پڕۆگرامانەی راهێنان كە ئامانج لێی بەرزكردنی ئاستی بەكارهێنانی كۆمپیوتەرە لە بوارە جیاكان و رێگەدان بە هاوڵاتیان كە سوود لەم خوولانە ببینن , هەروەها پێدانی راوێژ و پاڵپشتی هونەری بۆ كەرتە جیاوازەكانی كۆمەڵگە .
4. فەراهەمكردنی پڕۆگرامی ئەكادیمی پێشكەوتوو لە بواری زانستی كۆمپیوتەر كە رێك بێت لەگەڵ پێوەرەكانی گەرەنتی باشی
5. پێدانی مەعریفەی بنەڕەتی و سەرەكی بە دەرچوانی زانستەكانی كۆمپیوتەر بۆ ئەنجامدانی توێژینەوە و تەواو كردنی خوێندنی باڵا , هەروەها پێدانی كارامەیی پێویست بۆ ئەوەی بتوانن بەشێوەی تاكە كەسی بەردەوامیان هەبێت وەیاخود لەنێو تیمێكدا كار بكەن .

ئه‌ندامانى ده‌سته‌ى فیركارى

ژمارەی تەلەفۆن

9647511183158

ئیمەیل

csdep@cihanuniversity.edu.iq
Rania

رانيا عماد

رێكخه‌رى به‌شى