بەشی ئەندازیاری گەیاندن و كۆمپیوتەر

له‌ سالى 2008 دامه‌زراوه‌

5
Labs
58
بابه‌تى خویندن
7
ئه‌ندامى فیركارى
143
قوتابي كور و كچ

خویندنى به‌یانیان

روانین

یەكخستنی كۆمەڵگە و پەرەپێدان و بەرەوپێش بردنی لە بنەڕەتدا پشت بە گەیاندن و پەیوەندی كردنەوە دەبەستێت , بۆیە گەشە دان بە بەشێكی ئەندازیاری رابەرانەی سەردەمیانە كە پلە و پایەو ئاستێكی بەرزی هەبێت دەبێتە كارێكی پێویست و گرنگ لەسەردەمی ئەمڕۆماندا كە بە سەردەمی تەكنەلۆژیا و زانیاریەكان ناسراوە . بۆ ئەوەی رێك بین لەگەڵ ئەم روانینە , ئەوا هەوڵ و كۆششی بەشەكە خۆی دەبینێتەوە لە بەرزكردنی ئاستی مەعریفى لەگشت بوارە ئەكادیمیەكان و گرێدانی پڕۆگرامە توێژینەوەییەكانی بەداواكاری و پێویستیەكانی گەشەسەندنی بەردەوامی هەرێمی كوردستان و عێڕاق لەگەڵ پاراستنی تایبەتمەندی خۆجێیی كۆمەڵگە . هەر لەبەر ئەم هۆكارەیە كە بەشەكەمان تێدەكۆشێت تا ببێت بە یەكێك لە رابەرانی كۆمەڵگەی ئەكادیمی جیهانی .

ئامانجەكان

بەپێی روانینی بەشەكە و بینشی بۆ داهاتوو, ئەوا بەشی ئەندازیاری گەیاندن و كۆمپیوتەری كۆمەڵێك ئامانجی هەیە كە بریتین لە :
1- دەستخستنی ژینگەی فێركردن و توێژینەوەیی كە قوتابیان و توێژەران بتوانن رووبەڕووی هەڕەشەكان ببنەوە و جەخت لە مەعریفەت بكەنەوە وەك هێزێكی بزووێنەری سەرەكی بۆ پەرەسەندن و پێشكەوتن .
2- گەیشتن بە ئاستی زانستی جیهانی كە ركابەری دەكات لە ناوەرۆكی مەعریفی و جێبەجێكردندا لەگەڵ پارێزگاری كردن لە بەهاو رەوشتی كۆمەڵگە .
3- دوانەكەوتن لە گەشەكردن و داهێنانكاری سەردەم لە بوارە جیاكانی مەعریفەت لەگەڵ هەوڵی وەرگرتنی پێشەنگی لە دۆزینەوەی زانستی داهێنكار .
4- وەڵامدانەوەی ئەو پێویستیە بەردەوامەی كۆمەڵگە بۆ ئاستە ئەكادیمیە بەرزەكان لە قوتابیانی خوێندنی باڵا و بەدواداچوون كردن بۆ تەكنەلۆژیا نوێیەكان لەلایەن قوتابیان .
5- دروستكردنی هاوسەنگی لەنێوان رێژەی بەشداریكردنی قوتابیان و دەستەی فێركاری.
6- هاندان لەسەر بەكارهێنانی تەكنیكی نوێی وەك (Cloud computing) , كتێبخانەی ئەلیكترۆنی و تاقیگەی گریمانەیی لەچوارچێوەی مواسەفاتی ستاندەردی جیهانی , هەروەها پارێزگاری كردن لێی وەك پێگەیەك بۆ ئاڵوگۆڕ پێكردنی مەعریفی كە پسپۆڕیەكانی زانكۆ بەیەكەوە دەبەستێتەوە .
7- پتەوكردنی توانای قوتابیان لە رووی مامەڵە كردن لەگەڵ پەرسەندنی جیهانی لە بوارەكانی كۆمپیوتەر و گەیاندن .
8- تەوزیفكردنی تەكنەلۆژیای زانیاری و گەیاندن بۆ پەرەدان بە ئەدای بەش لەبوارە ئەكادیمی و توێژینەوەییەكان و شابیك كردنی كارامەییەكانیان .
9- دانانی ستراتیژیەتی توێژینەوەیی روون كە ئەولەویاتی توێژینەوە و كەناڵەكانی و چالاكیەكانی دیاریدەكات بۆ خزمەتكردنی نیشتیمان و لە هەمان كاتدا جەخت لەسەر توێژینەوە كرداری و فێركاریەكان بكاتەوە بۆ خزمەتكردنی كۆمەڵگە .

بەشی ئەندازیاری گەیاندن و كۆمپیوتەر

بەشی ئەندازیاری گەیاندن و كۆمپیوتەر یەكێكە لە بەشە سەرەكیەكانی كۆلێژی ئەندازیاری لە زانكۆی جیهان . ئەم بەشە هەر لەسەرەتای دامەزرانی لە ساڵی 2008 كۆششی كردوە لەپێناو ئەوەی جیاوازی پێوەری سەركەوتنی بێت لە گشت بوارە ئەكادیمی و توێژینەوەییەكانیدا .
بەپێی ئەم بینشە , كادیری بەش و قوتابیە لێهاتووەكانی هەڵدەستن بە ئەنجامدانی توێژینەوە لە بوارە پسپۆڕیە جیاوازەكان كە بریتین لە پڕۆگرامەكان , پەیوەندی بێ‌ تەل , هەواییەكان , شاردنەوەی زانیاری (تشفیر- Coding) , چارەسەركردنی هێماكان ,دیزاینكردنی سیستەم و پشكنینی , كۆمپیوتەر و ئامرازەكانی پەیوەندی گەڕۆك و تەلەفۆنی , سیستەمە زیرەكەكان , ئەندازیاری مانگە دەستكردەكان , سیستەمی كۆنتڕۆڵكردنی كارلێككردن . لەسەرەتای دامەزراندنی بەشەكە پەیاممان بریتی بوو لەوەی كە ئەندازیاری سەركەوتوو ناچار نیە هێندە زانیاریەكان بپارێزێت زیاتر لەوەی كە بەكارهێنێكی كارا بێت بۆی , بۆیە رووی بەش بە ئاراستەی فێربوونی راستەوخۆ بڕوات بەرووی كارلێككردن لەگەڵ شارەزایانی بوارە پسپۆڕیەكانەوە كە دەبویە مایەی فەراهەمكردنی بازنەیێكی گەیاندنی گرنگ لەگەڵ بوارە پراكتیكیەكان كە پڕۆگرامەكانی خوێندن تاقیكردنەوە تاقیگەییەكان تێدەپەڕێنێت و دەچێتە نێو بوارە توێژینەوەییەكان كە راستەوخۆ بە كرداری دەكرێت لە كۆمەڵگەدا . وە بۆ ئەوەی رێك و هاوڕا بێت لەگەڵ پەیامە ئەندازیاریەكەمان ئەوا ئێمە وای دەبینین كە راهێنانی پراكتیكی و تاقیگە پراكتیكیەكان تەنها تێگەیشتنی قووڵ بۆ بنەما زانستیەكان نابەخشێت بەڵكو هانی لێهاتوویی بیركردنەوەی مەنتیقی كرداری و پێویست دەدات لەژیانی كرداری ئەندازیاردا ئەمڕۆكە ئەم بەشە بناغە و كۆڵەگەكانی زۆر قووڵ بووەتەوە و جیاوازیەكی تەواوی پێوەدەبینرێت لە رووی توێژینەوە و مامۆستاكانی , بۆیە تكا دەكەین سەردانی پێگە ئەلیكترۆنیەكەمان بكەن بۆ وەرگرتنی زانیاری زیاتر دەربارەی ئەزموونە جۆراوجۆرە مەعریفیەكانی كارمەندانی بەشەكەمان و فرەچەشنی ئەو هەلە توێژینەوە یی و كرداریانەی كە بۆ قوتابیانمان فەراهەمی دەكەین . ئەم بەشە بەرنامە بەراییەكان دەخاتە بەردەست و بڕوانامەی بەكەلۆریۆسی زانستی لە پسپۆڕی ئەندازیاری گەیاندن و كۆمپیوتەر دەبەخشێتە دەرچووانی لە بەرامبەر 4 ساڵ خوێندنی ئەكادیمی , هەروەها لەبیرۆكەی دایە كە لە داهاتوودا خوێندنی باڵاش بكاتەوە لە هەمان بواردا .

پەیام

1- پابەند بوون بە جۆر و جیاواز بوون لە فێركردن هۆكارێكی سەرەكی گۆڕینی لاوانە , تا ببن بە رابەر و وەبەرهێنێكی خاوەن ئەخلاقی پیشەیی بەرز و هەست كردن بەرپرسیاریەتی كۆمەڵایەتی ئاست بەرز لە پیشەگەری ,و تاكە رێگەشە بۆ بەدەستهێنانی كۆمەڵگەیەكی مرۆڤ دۆستانەی دادپەروەری پێشكەوتوو . 2- فەراهەمكردنی پڕۆگرامێكی خوێندنی ئاست بەرزی فرەچەشن بۆ خوێندنە بەراییەكان كارێكی سەرەكیە بۆ بەدەستهێنانی پسپۆڕیەكی پابەند و تۆكمە . 3- لە باوەشگرتن و جێگیركردنی تەكنەلۆژیای سەردەم و ئەو زانستە شورشگێڕیانەی كە بە كرداری ئەپڵیكەیشنیان هەیە لە خزمەتگوزاریەكانی گەیاندن لەگەڵ رەچاوكردنی ژینگەی توێژینەوەیی و دروستكردنی گیانی كێبڕكێ‌ كردن لەنێو قوتابیان , هەروەهاپاڵپشتی خۆی زیاتر دەكات لە هەڵگرتنی بەرپرسیاریەتی و رووبەڕوو بوونەوەی هەڕەشە زانستیەكان لە هەردوو ئاستی نێوخۆیی و جیهانی . 4- پەیامی بەش سەرەڕای پارێزگاری كردن لە بنەما سەرەكیەكانی مەعریفی و ئەكادیمی تۆكمە ئەوا بەشێكری پەیامەكەی بریتیە لە وەڵامدانەوەی پێداویستی داواكاری كۆمەڵگە و پەرەسەندن لەگەڵ ئاراستەكردنی ئەو داواكاری و پێداویستیانە و فەراهەمكردنی سەركردەی پابەند بە ئارامی و یەكگرتوویی كۆمەڵگە .

ئه‌ندامانى ده‌سته‌ى فیركارى

ژمارەی تەلەفۆن

+9647507381000

ئیمەیل

commdep@cihanuniversity.edu.iq