فێرخوازانى بەشی مایکرۆبایۆلۆجی پزیشکی بەشدارى لە وۆرک شۆپی هۆشیارکردنەوەی شێرپەنجەی مەمک لە زانکۆی سەلاحەدین – هەولێر دەکەن

ڕۆژى یەکشەممە ڕێکەوتى (١٢/١٠/٢٠٢٥) گروپێک لە فێرخوازانى قۆناغی چوارەمی بەشی مایکرۆبایۆلۆجی پزیشکی – زانکۆی جیهان-هەولێر، بەشدارییان لە وۆرک شۆپێکدا کرد کە لە کۆلێژی یاسای زانکۆی سەلاحەدین-هەولێر بەڕێوەچوو.

وۆرکشۆپەکە، بە ناونیشانی “پێکەوە دژی شێرپەنجەی مەمک” ین بوو، بۆ ئەوەش  پڕۆفیسۆر دکتۆر عەباس ساڵحی، کەسایەتییەکی دیاری ئەکادیمی و پسپۆڕی پزیشکی، ناوەڕۆکەکەى پێشکەش کرا. لە میانەی بابەتەکەیدا عەباس ساڵحی گرنگی دەستنیشانکردنی زوو، هۆشیارکردنەوەی کۆمەڵگە و، گۆڕینی شێوازی ژیان لە کەمکردنەوەی مەترسییەکانی شێرپەنجەی مەمکدا خستەڕوو. لە بەشێکى دیکەى وۆرک شۆپەکەدا جەختی لەسەر ڕۆڵی گرنگی فێرخوازان لە پەرەپێدانی تەندروستی گشتی و پشتگیریکردنی دەستپێشخەرییەکانی هۆشیارکردنەوە لەناو کۆمەڵگەدا کرایەوە. لەو چوارچێوەیەشدا، فێرخوازانى زانکۆى جیهان-هەولێر بەشدارییەکى کاراى چالاکیەکانى وۆرکشۆپەکە کرد و، لە میانەى گفتوگۆکاندا بیروڕاکانی خۆیان لەسەر ستراتیژییەکانی خۆپاراستنی تەندروستی خستەڕوو.

لە کۆتایی وۆرک شۆپەکەدا، بەشداربووان سوپاس و پێزانینی خۆیان پێشکەش بە پرۆفیسۆر دکتۆر عەباس ساڵحی و کۆلێژی یاسای زانکۆی سەلاحەدین-هەولێر کرد بۆ میوانداریکردنی چالاکییەکە و دووپاتیان کردەوە کە پابەند دەبن بە پشتگیریکردنی هەڵمەتەکانی هۆشیارکردنەوەی تەندروستی گشتی و پێکەوە دژی شێرپەنجەی مەمک دەوەستن.