كۆلێژى ته‌كنیكى ته‌ندروستى

خوێندن و لێكۆڵینه‌وه‌ له‌ بوارى زانسته‌كانى خواردن و خۆراك پێداندا ، بوه‌ته‌ كارێكى پێویست وگرنگ له‌م سه‌رده‌مه‌دا و رۆژ به‌ڕۆژ ئه‌و به‌ڵگانه‌ى كه‌ ده‌سه‌ڵمێنن خۆراك كاریگه‌رى هه‌یه‌ له‌سه‌ر ته‌ندروستى و جۆرى ژیانمان زیاد ده‌كه‌ن ، بۆیه‌ به‌شى خۆراك و زانسته‌كانى خۆراك هه‌وڵ ده‌دات ئه‌م بابه‌ته‌ و ئه‌وه‌ى كه‌ په‌یوه‌ندیشى به‌م بابه‌ته‌وه‌ هه‌یه‌ چاره‌سه‌رى بكات ، له‌ رێگه‌ى پڕۆگرامه‌ تایبه‌ته‌كانمان له‌ خوێندن و لایه‌نه‌ توێژینه‌وه‌ییه‌كانمان . ئه‌م به‌شه‌ پله‌ى به‌كه‌لۆریۆس له‌ خۆراك پێدان و زانسته‌كانى خۆراك ده‌به‌خشێته‌ ده‌رچوانى ، وه‌ پڕۆگرام و به‌رنامه‌ى زۆر سه‌ركه‌وتووى هه‌یه‌ له‌ هه‌ردوو بوارى خۆراك و سه‌لامه‌تى خۆراكدا .

چاره‌سه‌رى سرووشتى كار و پیشه‌ى تایبه‌تى بوارى چاودێرى ته‌ندروستیه‌ بۆ باش كردنى جۆرى ژیان و ، رێگرتن له‌ په‌ككه‌وته‌یى و پته‌وكردنى ته‌ندروستى دروست و ئه‌رێنى . به‌شى چاره‌سه‌رى سرووشتى وه‌ك به‌شێكى نوێ كرایه‌وه‌ بۆ ئه‌وه‌ى به‌شدارى بكات له‌ په‌ره‌دان به‌م بواره‌ زیندوه‌ ، هه‌روه‌ها رۆڵى هه‌بێت له‌ ئاماده‌كردن و شیاندنى كادیرى پسپۆڕ و راهێنراو وه‌ به‌ پێدانى بڕوانامه‌ى به‌كالۆریۆس له‌ چاره‌سه‌رى سرووشتى . پڕۆگرامى خوێندن له‌م به‌شه‌دا چه‌ند بوارێكى بنه‌ڕه‌تى و سه‌ره‌كى له‌ مه‌عریفه‌ و لێهاتویى له‌بوارى ته‌كنیكى ده‌ستنیشانكردن و دیاریكردنى جه‌سته‌یى له‌خۆ گرتوه‌ له‌گه‌ڵ لایه‌نى تیۆرى ، هه‌روه‌ها جه‌خت له‌ خوله‌ زانستى و كارى سه‌ریرى و مه‌یدانی و سه‌ردانى كۆمه‌ڵگه‌یى و پڕۆژه‌كانیش ده‌كاته‌وه‌ .