بەشى بایۆمیدیکەڵ

ئەرکی بەشی بایۆمیدیکەڵ بریتییه له پێگەیاندنی کادیری پزیشکی لێهاتوو و کارامه تاوەکو بتوانن بواری چاودێری و تەندروستی بەرەو پێش ببەن وہ خزمەتی کۆمەڵگا بکەن، هەروەها دەرچووان ببنه ڕابەر و کەسانی پێشکەوتوو، به باوەڕ بەخۆبوون و ڕاستگۆیی لە گەیاندنی پەیامی کوالێتی بەرزی پزیشكی له نێو تەکنۆلۆجیای پێشکەوتووی سەردەم و ژینگەی جیهان، هەروەها بە دەستهێنانی سکۆڵەرشیپی خوێندن لە بواری بایۆمیدیکەڵ.

ئاماده‌كرنی كادیری لێهاتوو و بەتوانا بۆ ڕابه‌رایه‌تیكردن و‌ به‌جێهێنانی كارامه‌یی بنه‌ڕەتی و پێشكه‌وتوو له‌بواری بایۆمیدیکەڵ و خزمه‌تكردنی كۆمه‌ڵگە، لەهەمانكاتدا هاندانی فێربوون به‌شێوه‌یه‌ك كه‌ قوتابی تیایدا سه‌ركه‌وتوو بێت، یەكێكی دیكە لە ئامانجە بنەڕەتییەكانی ئەم بەشە، لە ڕێگەی گەیاندن و پێشكەشكردنی وانەكان‌ به‌شێوه‌یه‌كی سەردەمیانە بەدی دێ.

دوای تەواوکردنی قۆناغەکانی خوێندن، دەرچووانی بایۆمیدیکەڵ دەتوانن لەم بوارانەدا کار بکەن:

نەخۆشخانە و تاقیگە گشتی و تایبەتەکان.
تاقیگەی پزیشکی پسپۆر لە دەستنیشانکردنی نەخۆشی.
سەنتەری جوانکاری و گرینگیدان بە پێست.
کۆمپانیاکانی خۆراک و دەرمان.
تاقیگەکانی پشکنینی خۆراک و دەرمان.
ناوەندەکانی توێژینەوەی پزیشکی.
کۆنترۆڵی کوالێتی خۆراک و دەرمان.
قوتابخانە نێودەوڵەتییەکان.
سیستەمی چاودێری تەندروستی.
هەڵمەتەکانی بەرەنگاربوونەوەی نەخۆشیە درمیەکان.
تەواوکردنی خوێندنی باڵا و كاركردن وەك توێژەری زانستی و
مامۆستای زانكۆ لە زانكۆ و پەیمانگە حكومی و تایبەتەكان.

به‌شی بایۆمیدیکەڵ له‌ساڵی (2019) لە زانکۆی جیهان دامەزراوە، ماوەی خوێندن له‌م به‌شه‌ چوار ساڵە،‌ بڕوانامه‌ی به‌كالۆریۆس له‌ زانستی بایۆمیدیکەڵ ده‌به‌خشێته‌ ده‌رچووان. ئه‌م به‌شه‌ هه‌وڵ ده‌دات ده‌رچووه‌كانی لێهاتوو و پڕ زانست و زانیاری بن و له‌بواری چاودێری ته‌ندروستی چالاك بن و بتوانن پێشڕەوی سیستەمی چاودێری تەندروستی بکەن لە ووڵاتدا.

ئێمە کارمەندانی پزیشکی لە ژینگەیەکی پەروەردەیی داهێنەرانەدا پەروەردە دەکەین و ڕادەهێنین، ئاسۆی نوێ لە توێژینەوە زانستییەکاندا دەدۆزینەوە و بەشداری زانستی گرنگ بۆ جیهان بەرهەم دەهێنین، هاوئاهەنگی پەروەردەی پزیشکی، توێژینەوەی زانستی، و چاودێری تەندروستی لە ژینگەیەکی گشتگیردا دەکەین.