فێرخوازانى بەشی چارەسەری سروشتی سەردانى سەنتەری فیزۆ لایف دەکەن

ڕۆژی چوارشەممە، ڕێکەوتى (١٥/١٠١/٢٠٢٥) فێرخوازانى قۆناغی سێیەمی بەشی چارەسەری سروشتی لە زانکۆى جیهان-هەولێر بە سەرپەرشتیی پەروین ئەسکەندەر سەردانی سەنتەری فیزۆ لایفیان کرد.

 لەوێ بە گەرمی لەلایەن ئاریان عەدنان پزیشکی پسپۆڕی چارەسەری سروشتی پێشوازییان لێکرا، لە میانی سەردانەکەیاندا، ستافی سەنتەری فیزۆ لایف شیکردنەوەی وردیان سەبارەت بە ڕێکارە جیاوازەکانی چارەسەری سروشتی و تەکنیکە پێشکەوتووەکانیان، کە لە چاودێریی نەخۆشەکاندا بەکاریدەهێنن پێشکەش  بە فێرخوازان کرد. هەروەها نیشانیان دا کە چۆن ئامێرە چارەسەرییە جۆراوجۆرەکان بەکار دەهێنرێن، لەوانە سیستمەکانی یارمەتیدەر بە ڕۆبۆت، ستافەکە ئەوەشیان بۆ فێرخوازان ڕونکردەوە، کە سەنتەرەکەیان لە چەندین بەشی پسپۆڕ پێکدێت، وەک بەشی چارەسەری کارەبایی، بەشی چارەسەر بە ڕاهێنان، بەشی چارەسەری دەستی و بەشی چارەسەری ڕۆبۆتی. لە میانی سەردانەکەدا، فێرخوازان ئاشنای پراکتیکە ڕاستەقینەکانی بواری چارەسەری سروشتی بوون، بەتایبەت لە چۆنیەتی بەکارهێنانی ڕێگە و ئامێرە چارەسەرییە جیاوازەکان، لەوانە ئامرازە فیزیکییەکان، چارەسەری بە ڕاهێنان و ئامێرە ڕۆبۆتییەکان.

لە کۆتایی ئەم سەردانەدا، فێرخوازان ئاشنای چۆنیەتی بەکارهێنانی جۆرە جیاوازەکانی ئامێرە چارەسەری و ڕۆبۆتییەکان بوون لە چارەسەرکردنى نەخۆشەکاندا. هەروەها بینییان کە چۆن پلانەکانی چارەسەر دادەنرێن و جێبەجێ دەکرێن، ئەمەش یارمەتیدەر بوو لە بەهێزکردنی تێگەیشتنیان بۆ ڕۆڵی پسپۆڕانی چارەسەری سروشتی لە گەڕاندنەوەی جووڵە بۆ ماسولکەکان.