فێرخوازانى بەشی ژمێریاری بەگەشتێکی زانستی کۆمپانیای فابیاب لە شاری هەولێر بەسەردەکەنەوە.

بەمەبەستى ئاشناکردنى فێرخوازان بە سیستمی کارکردن و پیشەسازی و تەکنیکی و ژمێریاری و خزمەتگوزاری ڕاوێژکاری، سەرۆکایەتى بەشى ژمێریاری لە زانکۆى جیهان-هەولێر گەشتێکى زانستى بۆ فێرخوازانى بەشەکەى ڕێکخست .

ڕۆژی سێشەممە ڕێکەوتى (٨/١٠/٢٠٢٤) فێرخوازانى قۆناغى چوارەمى بەشی ژمێریاری بەسەرپەرشتى مامۆستاى یاریدەدەر راز ئازاد جلال سەردانى (کۆمپانیای فابیاب)یان لە شارى هەولێر کرد و، بە گەرمى لەلایەن (ئیحسان یاسین هەورامی) دامەزرێنەر و ئەندامی دەستەی کارگێڕی کۆمپانیاکە پێشوازییان لێکرا، پاشان هاوەڵى فێرخوازانى کرد بۆ سەردانیکردنى سەرجەم بەشەکانی کۆمپانیا، بۆ ئەو مەبەستەش فێرخوازان هەریەک لە بەشەکانى دارایی و بەرهەمهێنان بەسەرکردەوه و، لەلایەن بەڕێوەبەر و کارمەندانى بەشى  بەرهەمهينان کورتەیەکیان لەبارەى کارەکانیان و پەیوەندی نێوان بەشی دارایی و بەرهەمهێنان پێشکەش بە فێرخوازان کرد.

هەر لە میانەی گەشته زانستیەكەیاندا، فێرخوازان سەردانی بەشی دارایییان کرد و، ڕەفعەت الخليف بەڕێوەبەرى ژمێریاری کۆمپانیاکە کورتەیەکى دەربارەى سيستمى ژميريارى کۆمپانیا پێشکەش بە فێرخوازان کرد، هەروەها ڕوونکردنەوەى پێویستى لەبارەى مووچە و باڵانس و بەیاننامەی داهات بۆ فێرخوازان باسکرد و، جەختى لەسەر ئەوەش کردەوە کە کارەکانیان لە ڕێگەی سيستمێکى تایبەتەوە ڕۆژانە ڕایی دەکەن، گەشتە زنستیەکە بووە وێستگەیەکى گرنگ بۆ ئاشنابوونى فێرخوازان بە لایەنى بەڕێوەبردنى کاروبارى ژمێریارى لە کۆمپانیا و کەرتى تایبەت، بۆ ئەوەش سەرپەرشتیارى گەشتەکە زانستیەکە سوپاسى بەڕێوەبەرى و ستافى کۆمپانیاکەى کرد بۆ ڕەخساندنى ئەو دەرفەتە بۆ فێرخوازان.