فێرخوازانى زانکۆى جیهان-هەولێر لە پۆڵندا سەردانى مۆزەخانەی جیۆلۆجی لە وارشۆ دەکەن

لە بەردەوامى بەسەرکردنەوەى ناوەندە جیاکانى وڵاتەکەدا؛ گروپێک لە فێرخوازانى زانکۆى جیهان-هەولێر، کە لە ئێستادا لە زانکۆى وارشۆ بۆ زانسته‌ زیندووه‌كان (Warsaw University of Life Sciences) دەخوێنن سەردانى مۆزەخانەی جیۆلۆجی لە وارشۆ دەکەن و بەشەکانى بەسەردەکەنەوە.

لە میانەى سەردانەکەیاندا، کە ڕۆژى سێ شەممە ڕێکەوتى (١٠/١٢/٢٠٢٤) ئەنجامیاندا، هەریەک لە فێرخوازان موجتەبا سەباح عبدالحسن لە بەشى (نیوتریشن و دایەتێتیکس) و سەلمان مەرهەم محەمەد لە بەشى (پەرستارى تەندروستى کۆمەڵ)  بەشە جیاکانى مۆزەخانەکەیان بەسەرکردەوە ، کە یەکێکە لە گەورەترین دامەزراوە جیۆلۆجیەکانی ئەوروپایە و، لە نزیکەوە ئاشناى نمایشکرنى کانزا بە نرخەکانى وەک کریستاڵى جۆراوجۆر و پێکهاتەی بەردی و ئێسکەپەیکەری سەرنجڕاکێشی دایناسۆرەکان و  بەرد گڕکانەکانیان…هتد بوون، فێرخوازان ئاماژەیان بەوە کرد  سەردانەکەیان بووە هۆى فراوانکردنى دیدگەی زانستیان، هەربۆیەسەردانەکەیان بە ئەزموونێکی فێرکاری گرنگ وەسفکرد، چونکە ئاستى زانیاری و زانستی و توانایان بۆ ئەنجامدانى توێژینەوەی زانستى فراوانتر کرد.

مۆزەخانەی جیۆلۆجی بە یەکێک لە دیارترین شوێنەوارە کەلتووری و زانستییەکانی پۆڵەندا دادەنرێت و، بەشێکە لە پەیمانگەی جیۆلۆجی پۆڵەندی، لە سەرەتای سەدەی بیستەمدا کرایەوە، لە ئێستادا بووەتە ناوەندێکی گرنگى زانستی شوێنەوارناسی، مێژوویی و جیۆلۆجی، ساڵانە ژمارەیەکى زۆرى گەشتیار و فێرخواز و توێژەران سەردانى دەکەن و بەشەکانى بەسەردەکەنەوە.