فێرخوازانى زانکۆی جیهان-هەولێر لەگەڵ ڕێکخەری ئاڵوگۆڕی فێرخوازانى نێودەوڵەتی لە زانکۆى (SGGW) دیدارێکیان ئەنجامدا
فێرخوازانى زانکۆی جیهان-هەولێر، کە لە ئێستادا لە زانکۆى وارشۆ بۆ زانسته زیندووه‌كان (Warsaw University of Life Sciences) دەستیان بە خوێندن کردوە، سەردانی ڕێکخەری ئاڵوگۆڕی فێرخوازانى نێودەوڵەتی لە زانکۆى (SGGW) کرد و، دیدارێکیان ئەنجامدا.
فێرخوازانى زانکۆى جیهان-هەولێر کە پێکهاتبوون لە هەریەک لە مینا حسین کەریم، ڤینێ خەلیل میرزا و منی صاڵح سلیمان لە بەشى (بایۆمیدیکاڵ)، ڕۆژى هەینى (٤/٤/٢٠٢٥) سەردانى پرۆفیسۆرى یاریدەدەر دکتۆر هاب کاتارزینا شویدەر( hab Katarzyna Świąder ) ڕێکخەری ئاڵوگۆڕی فێرخوازانى نێودەوڵەتى لە فاکەڵتى نێوتریشن و مرۆڤ (Faculty of Human Nutrition) لە زانکۆى (SGGW) کرد، لە میانەى دیدارێکدا گفتوگۆیان لەبارەى چۆنیەتى پەرەپێدانى تواناکان و سوود وەرگرتن لە ئەزمونى کەلتورە جیاوازەکان کرد، بۆ ئەو مەبەستەش پرۆفیسۆرى یاریدەدەر دکتۆر هاب کاتارزینا شویدەر کاتارزینا دیدگاکانی خۆی سەبارەت بە خوێندنی باڵا لە پۆڵەندا خستەڕوو و جەختی لە گرنگی هاوکاری نێودەوڵەتى لە بواری زانست بەگشتى و بوارى پزیشکی بەتایبەت کردەوە. هاوکات پشتیوانى خۆى بۆ فێرخوازانى زانکۆى جیهان-هەولێر دوپاتکردەوە و، هانیدان سوود لە ئەزمونى پۆڵندا وەربگرن، بۆ ئەو مەبەستەش کۆمەڵێک ڕێنمایی و ڕاسپادەى پێشکەش بە فێرخوازان کرد و، هیواشى خواست لە ماوەى مانەوەیان لە پۆڵندا ئەزمونى زانستى و کەلتوری و پەروەردەییان زیاتر دەوڵەمەند بکەن.
لە بەرامبەردا فێرخوازانى زانکۆى جیهان-هەولێر دواى ئەوەى سوپاسى ڕێکخەری ئاڵوگۆڕی فێرخوازانى نێودەوڵەتی لە زانکۆى (SGGW) کرد، خۆشحاڵى خۆیان بەو دیدارە پیشاندا و، جەختیان لەوە کردەوە، کە هەوڵەکانیان دەخەنە گەر و، سوود لە دەرفەتەکان وەردەگرن بۆ گەڕانى زیاتر بۆ ئەنجامدانى توێژینەوەى زانستى و پێشکەوتنی ئەکادیمی و پەرەپێدانى ئەزمونەکانیان لە بوارە جیاوازەکان.
