فێرخوازانى نیوتریشن و دایەتێتیکس ئاشناى ئامرازەکانی هەڵسەنگاندنی خۆراکی کلینیکی دەکرێن
ڕۆژى یەک شەممە ڕێکەوتى (٩/٢/٢٠٢٥)، بە سەرپەرشتی مامۆستای یاریدەدەر محەمەد محەمەد حسێن، گروپێک لە فێرخوازانى قۆناغی چوارەم لە بەشی نیوتریشن و دایەتێتیکس لە زانکۆی جیهان-هەولێر سەردانی کلینیکێکی بەناوبانگی خۆراکیان کرد بۆ گەڕان بەدوای ئامرازەکانی هەڵسەنگاندنی خۆراکی کلینیکی و بەکارهێنانەکانیان.
لەگەڵ گەیشتنیان، لەلایەن ئەوین هیوا عەلی، پسپۆڕی خۆراک پێشوازییەکی گەرمیان لێکرا، کە تێڕوانینێکی گشتی لەبارەی ئاسانکارییەکانی کلینیکەکە و شێوازی نەخۆش- لە سەنتەرەکەی پێبەخشین. لە میانەى سەردانەکەیاندا، فێرخواز چاودێری و بەشدارییان لە ئامرازە جۆراوجۆرەکانی هەڵسەنگاندندا کرد، لەوانە شیکاری پێکهاتەی جەستە، تاقیکردنەوە بایۆکیمیاییەکان و، هەڵسەنگاندنی وردی وەرگرتنی خۆراک. هەروەها پسپۆڕى خۆراک چۆنیەتی بەکارهێنانی ئەم ئامرازانەی بۆ هەڵسەنگاندنی دۆخی خۆراکی نەخۆشەکان و دیاریکردنی کەمییەکانی خۆراک و پەرەپێدانی پلانی خۆراکی کەسی بە ئامانجی باشترکردنی تەندروستی ڕوونکردەوە.
سەردانە مەیدانیەکە بووە دەرفەتێکى گرنگ بۆ گفتوگۆکردن لەگەڵ پسپۆڕى بوارە بەشێوەیەکى مەیدانى بۆ بەدەستهێنانى زانیارى زیاتر سەبارەت بە بەکارهێنانی تەکنیکە پێشکەوتووەکانی دەستنیشانکردن لە خۆراکدانی کلینیکیدا.
