فێرخوازانى کۆلێژی دەرمانسازی لە زانکۆی جیهان-هەولێر بەشداری لە پیشانگەی زانکۆکان لە هەولێر دەکەن

ڕۆژی سێ شەممە ڕێکەوتى (٢٥/٢/٢٠٢٥) گروپێک لە فێرخوازانى کۆلێژی دەرمانسازی لە زانکۆى جیهان-هەولێر، بە چاودێرى ڕاگرایەتی کۆلێژ، بەشدارییان لە پیشانگەی زانکۆکان کرد.

لەو پیشانگەیەدا، کە لە قوتابخانەی ئەلمەعریف نێودەوڵەتی لە هەولێر بەڕێوەچوو، تیمی فێرخوازانى کۆلێژی دەرمانسازی کە پێکهاتبوون لە فێرخوازان یوسف شارجەبیل و یوسف عەلی، بەسەرپەرشتی یاریدەدەری تاقیگە ئایە قەیسەر بەشدارییان لە پیشانگەی زانکۆکان کرد ، کە تایبەت بوو بە ناساندنى زانکۆکان بە کە قوتابیانى پۆلی دوانزەى ئامادەیی بە هەردوو سیستمی MB و IB، لەو چوارچێوەیەدا و لە میانەى پیشانگەیەکدا فێرخوازانى زانکۆى جیهان-هەولێر تیشکیان خستە سەر بەشەکانى زانکۆی جیهان-هەولێر و  ئەو و سکۆلەرشیپانەی، کە ساڵانە بە دەرچوانى پۆلى دوانزدە دەبەخشرێ، هەروەها هەلی ئەکادیمی و پرۆگرامەکانى خوێندن و، بەشداریکردن لە کۆنفرانس و پێشبڕکێ بۆ بەرزکردنەوەی گەشەپێدانی تواناى فێرخوازان لە زانکۆى جیهان-هەولێر بەشێکى قسەکانى فێرخوازانى زانکۆى جیهان-هەولێرى پێکهێنا.

هەروەها باسیان لە سیستمی بۆلۆنیا پرۆسیس کرد، کە زانکۆی جیهان-هەولێر پەیڕەوى دەکات و، سیستمێکى نێودەوڵەتیەو و لە زۆربەى زۆرى زانکۆکانی ئەوروپا پەیڕەوی دەکرێت، هەروەها باسیان لە سیستمی موودڵ لە زانکۆى جیهان-هەولێر کرد، کە بۆ ئاسانکاری پرۆسەی فێربوون بۆ فێرخوازانى زانکۆی جیهان-هەولێر بەکاردێ.