فێرخوازانی بەشى مایکرۆبایۆلۆجى پزیشکى پشکنینی خوێنی بێبەرامبەر بۆ هاوڵاتیان ئەنجام دەدەن
ڕۆژی سێشەممە ڕێکەوتی (٣ی ئازاری ٢٠٢٦)، گروپێک لە فێرخوازانی بەشی مایکرۆبایۆلۆجى پزیشکى لە زانکۆی جیهان-هەولێر، هەڵمەتێکی پشکنینی خوێنی بێبەرامبەریان بۆ هاوڵاتیان لە فیستیڤاڵى بازاڕی “هەولێر ستریت” ئەنجامدا.
ئەم هەڵمەتە بە سەرپەرشتی پڕۆفیسۆری یاریدەدەر دکتۆر (ئامینە سەباح مەحمود جومعە) سەرۆکی بەشی مایکرۆبایۆلۆجى پزیشکى بەڕێوەچوو، لە میانی چالاکییەکەدا، فێرخوازانی بەشەکە چەندین جۆر پشکنینی خوێنیان بە بەکارهێنانی ئامێرە ستانداردەکانی تاقیگە و کەرەستەی پێویست ئەنجامدا، جگە لە دۆکۆمێنتکردنی ئەنجامەکان بە شێوەیەکی متمانەپێکراو. هەر هاوڵاتیەک لەلایەن فێرخوازانەوە ڕوونکردنەوەی پێویستی پێ درا دەربارەی ئەنجامی پشکنینەکەی و بایەخی پزیشکیی پشکنینە ڕۆتینییەکانی خوێن بۆ پاراستنی تەندروستی گشتی. لە لایەکی دیکەوە، پڕۆفیسۆری یاریدەدەر دکتۆر ئامینە سەباح مەحمود بە شێوەیەکی ڕاستەوخۆ چاودێری ڕێکارە تەکنیکییەکانی کرد بۆ گەرەنتیکردنی وردی لە پرۆسێسکردنی نموونەکان و پابەندبوون بە ستانداردە پیشەییەکانی تاقیگە.
هەڵمەتەکە بە دانیشتنێکی کارلێکەری لە نێوان فێرخوازان و هاوڵاتیان کۆتایی هات، کە تێیدا وەڵامی سەرجەم پرسیارە گشتییەکانی پەیوەست بە پشکنینە تاقیگەییەکان درایەوە و کارەکە بە سەرکەوتوویی کۆتایی هات.
