فێرخوازانی بەشی نیوتریشن و دایەتێتیکس سەردانی نەخۆشخانەی ڕزگاری دەکەن

کۆمەڵێک لە فێرخوازانى بەشی نیوتریشن و دایەتێتیکس لە زانکۆی جیهان-هەولێر لە چوارچێوەی ڕاهێنانە ئەکادیمی و پراکتیکییەکانیان، بەسەرپەرشتی (مامۆستاى یاریدەدەر ڕەزا هاشمی)، ڕۆژی یەکشەممە ڕێکەوتى (2-2-2025)، سەردانی نەخۆشخانەی ڕزگارییان کرد .

لەگەڵ گەیشتنیان، فێرخوازان لەلایەن سەرمەند سەردار بەگەرمی پێشوازییان لێکرا، پاشان دەرفەتی بە فێرخوازان دا ئاشناى ڕۆڵ و کارەکانى پسپۆڕی خۆراک لە نەخۆشخانەکە ببن، بەتایبەت لە چۆنیەتی هەڵسەنگاندنی باری خۆراکی نەخۆشەکان، چۆنیەتی داڕشتنی پلانی خۆراک بۆ بارودۆخە پزیشکییە جیاوازەکان و، گرنگیدان بە گۆڕانکاری لە خۆراکدا بۆ چاکبوونەوە. هەر لە میانەى سەردانەکەیاندا؛ فێرخوازان ئاشناى چۆنیەتی داڕشتنی پلانی خۆراکی تایبەتى لە ئەو نەخۆشانەکە بوون بەتایبەت بۆ ئەو نەخۆشخانەى، کە بەدەست نەخۆشییەکانی وەک شەکرە، نەخۆشییەکانی دڵ و خوێنبەرەکان، تێکچوونی گەدە و ڕیخۆڵە و بەدخۆراکییەوە دەناڵێنن.

لە وێستگەیەکى دیکەى سەردانەکەیاندا، ستافى نەخۆشخانەکە فێرخوازانیان ئاشناى میکانیزمی کارکردنی خزمەتگوزارییە خۆراکیەکانى نەخۆشخانەکە بوون، لەوانە چۆنیەتی ئامادەکردن و دابەشکردنی ژەمەکان بەپێی پێویستی نەخۆشەکان، بەڕەچاوکردنى ڕێنماییە خۆراکی و تەندروستیەکان، کە لە نەخۆشخانەکاندا پەیڕەو دەکرێن، ئەم سەردانە مەیدانیە هەنگاوێکی دیکەی سەرکەوتووە لە هەوڵەکانی بەشەکە بۆ بەهێزکردنی پەیوەندی نێوان خوێندنی ئەکادیمی و ژینگەی پیشەیی.