فێرخوازانی بەشی چارەسەری سروشتی بە گەشتێکی مەیدانیی نەخۆشخانەی ئارژین بەسەردەکەنەوە

ڕۆژی سێشەممە، ڕێکەوتى ٢٥/١١/٢٠٢٥ سەرۆکایەتى بەشی چارەسەری سروشتی لە زانکۆی جیهان-هەولێر گەشتێکی زانستیی مەیدانی بۆ فێرخوازانی قۆناغی سێیەم بۆ نەخۆشخانەی ئارژین ڕێکخست.

 سەردانەکە بە سەرپەرشتیی (پەروین ئەسکەندەر) بەڕێوەچوو و، بەگەیشتنیان فێرخوازان لەلایەن ئایە وشیار پسپۆڕی چارەسەری سروشتی پێشوازییان لێ کرا، دواى بەخێرهێنانى فێرخوازان، ئینجا شیکردنەوەیەکی تێروتەسەلی دەربارەی سروشتی کارەکانیان پێشکەش بە فێرخوازان کرد. پاشان دەرفەت بە فێرخوازان درا بۆ بەسەرکردنەوەى بەشە  جیاوازەکانى نەخۆشخانەکە، بۆ ئەو مەبەستەش فێرخوازانلە نزیکەوە ئاشناى کاروبارەکانى بەشەکانى (شیاندنی دەرەکی، چارەسەری ماسولکە و ئێسک و، بەشی چارەسەری دەمار)، لە میانەی سەردانەکەیاندا، فێرخوازان ئاگاداری میکانیزمەکانی هەڵسەنگاندنی نەخۆش و پلانە پەسەندکراوەکانی چارەسەر بوون، سەرەڕای بینینی جێبەجێکردنی کردەیی بۆ بەکارهێنانی ئامرازە چارەسەرییە جۆراوجۆرەکانی وەک چارەسەری کارەبایی، وەرزشە چارەسەرییەکان و تەکنیکە دەستییەکان.

ئەم سەردانە ڕۆڵی هەبوو لە قووڵکردنەوەی تێگەیشتنی سەرینی (Clinical) لای فێرخوازان و پەرەپێدانی لێهاتوویی تێبینیکردن و بڕیاردانی چارەسەری، ئەمەش ئامادەییان بۆ مەشقی کردەیی داهاتوو لە دامەزراوە تەندروستییەکاندا بەرز دەکاتەوە.