فێرخوازانی بەشی کارگێڕی کار سەردانی ئامادەیی هەولێری نموونەیی کچانیان کرد

لە درێژەی چالاکییەکانی بەشی کارگێڕیی کار لە زانکۆی جیهان-هەولێر لە بواری خزمەتکردنی کۆمەڵگە و، ڕۆژی سێشەممە، ڕێکەوتى ٢٥/١١/٢٠٢٥ گروپێک لە فێرخوازانى قۆناغى چوارەم، سەردانێکی مەیدانییان بۆ ئامادەیی هەولێری نموونەیی (المتفوقات) بۆ کچان ئەنجام دا.

سەردانەکە، بەسەرپەرشتى پرۆفیسۆرى یاریدەدەر دکتۆر (قوسەی حەمید سەلامی) بەڕێوەچوو، بەگەیشتنیان لەلایەن مامۆستا ڕوقییە سەلاحەدین شاکر بەڕێوەبەری قوتابخانەکە پێشوازییان لێ کرا. پاشان، بەشێوەیەکى مەیدانى بەشەکانى قوتابخانەکەیان بەسەرکردەوە و، لە نزیکەوە دیارترین پێداویستییە گرنگەکانى قوتابخانەکەیان دەستنیشان کرد، بەتایبەت ئەوانەى پەیوەست بوون بە چاککردنەوەی کەرەڤانەکان، ڕاکێشانی هێڵی کارەبای سەلامەت، بۆیەکرنی دیوارەکان و گۆڕینی پەنجەرە شکاوەکانی هەندێک لە کەرەڤانەکان.

ساڵانە فێرخوازان و مامۆستایانى بەشى کارگێڕى کار لە زانکۆى جیهان-هەولێر دەستپێشخەریی و چالاکى مرۆیی و خۆبەخشی بەڕێوەدەبەن بۆ بەهێزکردنی هاوبەشیی نێوان زانکۆ و کۆمەڵگە.