فێرخوازانی چارەسەرى سروشتى سەردانی بنکەى هەولێر بۆ بوژانەوەى جەستەیی دەکەن
ڕۆژی چوارشەممە ڕێکەوتى (١٢/٢/٢٠٢٥) فێرخوازانی قۆناغی سێیەمی بەشی چارەسەرى سروشتى لە زانکۆی جیهان-هەولێر بە سەرپەرشتی مامۆستاى یاریدەدەر ئەسما غولام ڕەزا سەردانێکی مەیدانییان کرد بۆ (بنکەی هەولێر بۆ بوژاندنەوەی جەستەیی کۆمیتەی نێودەوڵەتی کرۆس رێد) لە سەنتەری چاکسازی جەستەیی ICRC لە هەولێر ئەنجامدا.
فێرخوازان لە لایەن پرۆفیسۆری یاریدەدەر دکتۆر غەسان حوسنی عەلی بەڕێوەبەری بنکەکە پێشوازی گەرمیان لێکرا، پاشان لەگەڵ ژمارەیەک لە پسپۆڕان و کارمەندانی بنکەکە لە میانەی سەردانەکەیادا فێرخوازان ئاشناى قۆناغەکانی دروستکردنی ئەندامی دەستکرد بۆ ئەو کەسانە بوون، کە پێویستی تایبەتیان هەیە، هەروەها بۆ ئاگاداربوون لە نوێترین ئامێر و تەکنەلۆژیای بەکارهێنراو لەم بوارەدا ڕوونکردنەوەیەکی وردیان پێشکەش کرا، پاشان باس لە چۆنیەتی هەڵسەنگاندنی بارودۆخی نەخۆش پێش دروستکردنى ئەندامی دەستکردی گونجاو بۆی کرا، جگە لەو قۆناغانەی چاکبوونەوەی جووڵەیی کە دوای دانانی ئەندامی دەستکردەکە وەریدەگرێت. هاوکات فێرخوازان کورتەیەکیان لەبارەی میکانیزمەکانی تاقیگەی دروستکردنی ئەندامەکان و ئەو ئامرازانەی کە لە دابینکردنی جووڵەیی پێشکەوتوو جێگرەوە بۆ نەخۆشەکان بەکاریان دەهێنن؛ پێشکەش بە فێرخوازان کرا.
هەر لە چوارچێوەى سەردانەکەیاندا، فێرخوازان گفتوگۆیان لەگەڵ پسپۆڕانی بواری چارەسەری فیزیایی و چاکسازی لە بنکەکە کرد، کە تایبەت بوو بە ڕۆڵی چارەسەری فیزیایی لە بەرزکردنەوەی توانای نەخۆشەکان بۆ گونجاندن لەگەڵ ئەندامی دەستکرد و باشترکردنی کوالیتی ژیانیان، هاوکات فێرخوازان دەرفەتى کارلێک یانلەگەڵ هەندێک لەو نەخۆشانە بۆ ڕەخسا، کە سوودمەند بوون لە خزمەتگوزارییەکانی سەنتەرەکە، ئەمەش یارمەتیان دا لەو ئاڵنگارییانەى ڕووبەڕووی تاکەکانی خاوەن پێداویستی تایبەت دەبنەوە و باشتر تێ بگەن.
