لە ڕۆژی دووەمی شەشەمین کۆڕبەندی سەرکردایەتی لاوان؛ فێرخوازانى زانکۆى جیهان-هەولێر بەشدارى لە کۆمەڵێک چالاکى جۆراوجۆر دەکەن
ڕۆژى سێ شەممە ڕێکەوتى (١٨/٢/٢٠٢٥) چالاکیەکانى خولى شەشەمینى پرۆگرامی ڕاهێنان بۆ ئامادەکردنی سەرکردەکانی گەنجانی عەرەب لە شارقە درێژەى بەکارەکانیدا و، فێرخوازانى زانکۆى جیهان-هەولێریش بەشدارییەکى کارایی چالاکیەکانیان کرد.
هەریەک لە فێرخوازانى زانکۆى جیهان-هەولێر تبارك حسين علي فێرخوازى بەشی دیزاینی ناوخۆیی و، وطيبة فراس غازي لە بەشی تەکنیکى سڕکردن لە چالاکییەکانی خولى شەشەمینى پرۆگرامی ڕاهێنان بۆ ئامادەکردنی سەرکردەکانی گەنجانی عەرەب لە شارقە بە بەشداری چەندین چالاکیی ڕۆشنبیری و ڕاهێنانی جۆراوجۆریان کرد، بە ئامانجی بەرزکردنەوەی تواناى سەرکردایەتی و پەیوەندی کاریگەر لە نێوان گەنجاندا، کە دەرفەتی بە بەشداربووان ڕەخساند کە سوود لە ئەزموونی نوێ وەربگرن و کارامەیی بەنرخ بەدەستبهێنن.
چالاکییەکانی ڕۆژی دووەم بە گەشتێک بۆ پێشانگەی پیشەسازی تایبەت دەستی پێکرد، کە هەر وڵاتێکی بەشداربوو لایەنێکی کەلتوور و میراتی نیشتمانی خۆی لە ڕێگەی نمایشکردنی کاری دەستی و جلوبەرگی نەریتی و خواردنە بەناوبانگەکانەوە پێشکەش کرد، فێرخوازان لە میانەى بەسەرکردنەوەى بەشەکانى پیشانگەیەکدا کارلێکیان لەگەڵ کەلتورە جیاوازەکان کرد کە ڕەنگدانەوەی فرەچەشنی کەلتووری جیاواز بوون، هەروەک ئاڵوگۆڕی چیرۆک و زانیارییان لەسەر داب و نەریتی هەر وڵاتێک دەکرد. ئەم پیشانگەیە بووە سەکۆیەکی گرنگ بۆ پێشخستنی ئاستى تێگەیشتنی کەلتووری و دروستکردنی پردی پەیوەندی نێوان گەنجانی پاشخانی جیاواز.
دوای ئەوە کۆبوونەوەکانی ڕاهێنان دەستی پێکرد کە دوو وتارێکی ئیلهامبەخشی لە بارەى سەرکردایەتی و پەرەپێدانی کەسی لەخۆگرتبوو، کە لەلایەن دکتۆر عید کەنعان بەناونیشانی (کاریگەری کۆمەڵگە و یانەکانی فێرخوازان لەسەر ژیانی زانکۆ: داڕشتنی سەرکردایەتی و پەرەپێدان” پێشکەشکرا و، تیایدا باسی لە ڕۆڵی گرنگی چالاکییەکانی فێرخوازان کرد لە پەرەپێدانی کارەکتەری سەرکردە گەنجەکان، هەروەها ڕوونیکردەوە کە چۆن ئەم چالاکییانە دەتوانن تواناکانی کاری تیمی بەرز بکەنەوە و فێرخوازان بۆ ڕووبەڕووبوونەوەی ئاستەنگەکانی داهاتوو ئامادە بکەن . لە بابەتێکى دیکەدا کە بەناونیشانی “لە سفرەوە بۆ مەحاڵ”، کە لەلایەن پرۆفیسۆر دکتۆر نەوەر ثابت، ڕاگری کۆلێژی زانست لە زانکۆی شارقە پێشکەشکرا، تیایدا باسی لە هێزی ئیرادە و ئامانج لە بەدیهێنانی مەحاڵەکاندا کرد. دکتۆر نەوار ثابت پێداچوونەوەی بە چیرۆکی سەرکەوتنی کەسایەتییە دیارەکان کرد کە لە سفرەوە دەستیان بە کارەکانیان کردووە و بەهۆی ئیرادە و بەردەوامی خۆیان توانیویانە دەستکەوتی جیهانی بەدەستبهێنن.
هەر لە چوارچێوەی چالاکییەکاندا، فێرخوازان گەشتێکى مەیدانییان بە ناو زانکۆی شارقە ئەنجامدا، لەوێدا زانیارییان لەسەر سیستمی خوێندن و تاقیگە مۆدێرنەکان و کتێبخانەی ناوەندی بەدەستهێنا، دواتریش چێژیان لە کەش و هەوای ناوازەی شارەکە وەرگرت و سەردانی چەند شوێنێکی بەناوبانگی وەک بورج خەلیفە و کانیاوی سەمای دوبەییان کرد.
