فێرخوازانى بەشى ژمێریارى بە گەشتێکی زانستی بانکی خانووبەرەى هەولێر بەسەردەکەنەوە

ڕۆژی سێشەممە، ڕێکەوتى ٢٥/١١/٢٠٢٥ سەرۆکایەتى بەشی ژمێریاری لە زانکۆی جیهان-هەولێر گەشتێکی زانستیی بۆ کۆمەڵێک لە فێرخوازانی قۆناغی چوارەم بۆ بانکی خانووبەرە (المصرف العقاري) لە هەولێر ڕێکخست.

گەشتە زانستیەکەدا بە سەرپەرشتیی مامۆستا (ڕێبین بیلال محەمەد) بەڕێوەچوو، لە کاتی گەیشتنیاندا، فێرخوازان لەلایەن (بەفرین خدر عەبدوڵڵا)، بەڕێوەبەری تەکنەلۆژیای زانیاری لە بانکەکە، بە گەرمی پێشوازییان لێ کرا، پاشان کورتەیەکی گشتیی دەربارەی پرۆسە سەرەکییەکانی بانک، ڕەوتی کاری بانکی، جۆری خزمەتگوزارییەکان، پۆلەکانی قەرز و ڕێکارە پەیڕەوکراوەکان لە مامەڵەکردن لەگەڵ مامەڵە داراییە جیاوازەکاندا پێشکەش بە فێرخوازان کرد، دواتر (عەبدولڕەحمان حەسەن عەبدولڕەحمان)، بەڕێوەبەری ژمێریاری لە بانکەکە، شیکردنەوەیەکی تێروتەسەلی دەربارەی ڕێکارە ژمێریارییەکان لە کاری بانکیدا خستەڕوو، هاوکات باسى چۆنیەتیی تۆمارکردنی قەیدە ژمێریارییەکانی پەیوەست بە قەرز و سوود، شێوازی پۆلێنکردن و بەڕێوەبردنی هەژمارەکان، بەڕێوەبردنی هەژماری سپاردە (ودائع) و ڕێگەکانی هەژمارکردن و تۆمارکردنی سوودی قەرزەکانی ڕوون کردەوە. هەروەها باسی لە پرۆسەکانی ڕاستکردنەوە و یەکلاییکردنەوە و دووبارە ڕێکخستنەوەی خشتەی قەرزەکان کرد.

لە وێستگەیەکى دیکەى سەردانەکەدا، فێرخوازان ئاشنای بەڵگەنامە و تۆمارە بانکییە ڕاستەقینەکان بوون و فێری چۆنیەتیی تۆمارکردنی پرۆسە داراییەکان بوون بە شێوەیەکی کردەیی بوون، هەروەها گفتوگۆیان کرد و پرسیاریان دەربارەی پرۆسە بانکییەکان، ڕێکارەکانی قەرزپێدان و بەڵگەنامە داراییەکان ئاڕاستە کرد. لە کۆتاییدا، مامۆستا ڕێبین بیلال سوپاس و پێزانینی ئاڕاستەی تیمی بانکی خانووبەرە کرد بۆ ئەو پێشوازییە گەرمە و زانیارییە بەنرخانەی پێشکەشى فێرخوازانیان کرد.