فێرخوازانی بەشی ژمێریاری سەردانێکی مەیدانیی ئەکادیمی بۆ بانکی نێودەوڵەتیی کوردستان ئەنجام دەدەن

ڕۆژی چوارشەممە ڕێكەوتی (26/11/2025) سەرۆكایەتی بەشی ژمێریاری لە زانکۆی جیهان-هەولێر، گەشتێکی زانستی بۆ بانکی نێودەوڵەتیی کوردستان بۆ وەبەرهێنان و گەشەپێدان (بانکی ئیسلامی) لە شاری هەولێر بۆ کۆمەڵێک لە فێرخوازانی قۆناغی دووەمی بەشەکە ڕێكخست.

سەردانە زانستیەكە، بە سەرپەرشتی دكتۆر ئیبراهیم حوسێن ئەحمەد بەڕێوەچوو، لەگەڵ گەیشتنی فێرخوازان، لەلایەن خاتوو ئەریج کازم محەممەد (بەڕێوەبەری فەرمانگەی لق و نووسینگەکان)، خاتوو ئەوین جادر محەممەد (بەڕێوەبەری هۆڵی لقی سەرەکی) و خاتوو شیلان (بەرپرسی بەشی مەشق و پەرەپێدان) بە گەرمی پێشوازییان لێکرا. پاشان تیمی بانکەکە پوختەیەکیان دەربارەی پرۆسە سەرەکییەکانی بانک خستەڕوو. بۆ ئەوەش خاتوو فەهین ڕافید، تێبینەر لە لقی سەرەکی، شیکردنەوەیەکی وردی دەربارەی ژمێریاری لە بەشی هەژمارە جارییەکان و چۆنیەتیی تۆمارکردنی پرۆسە داراییەکان پێشکەش کرد. هەروەها ڕێدار محەممەد ڕوونکردنەوەی تەواوی دەربارەی کارەکانی بەشی ئیعتیتیمادی بەڵگەنامەیی (Credits) و هەنگاوە ژمێریارییەکانی خستەڕوو. هاوکات خاتوو سەدریە عومەر، بەڕێوەبەری بەشی حەواڵەی دەرەکی و سویفت، باسی لە ژمێریاریی بەشەکەی کرد، دواتریش مەها ئەحمەد یەعقوب، بەڕێوەبەری بەشی ئیئتیتیمان (Credit)، باسی لە هەنگاوەکانی پێدانی قەرز و ڕێکارە ژمێریارییەکان و چۆنیەتیی مامەڵەکردن لەگەڵیان لە تۆمار و دەفتەرەکاندا کرد.

لە میانی باسكردنی کارە ژمێریارییەکاندا، فێرخوازان گفتوگۆیان لەگەڵ مامۆستایان و پسپۆڕان کرد دەربارەی لایەنی پڕاکتیکی لە هەر بەشێکدا، بە مەبەستی قوڵکردنەوەی زانیارییە تیۆری و کردارییەکانیان لە ڕێگەی پرسیارکردن دەربارەی جێبەجێکردنی کرداریی ژمێریاری بۆ پرۆسە بانکییەکان و چارەسەرە ژمێریارییەکان بەپێی سیستەمی ژمێریاریی بانکیی یەکگرتوو.

لە کۆتاییدا، دكتۆر ئیبراهیم حوسێن ئەحمەد، سەرپەرشتیاری سەردانەکە، سوپاس و پێزانینی ئاراستەی تیمی بانکی نێودەوڵەتیی کوردستان کرد بۆ پێشوازییە گەرمەکەیان و پێشکەشکردنی زانیارییە زانستی و کردارییە بەنرخەکان، کە دەبێتە هۆی دەوڵەمەندکردنی زانیاریی فێرخوازان و بەهێزکردنی پەیوەندیی نێوان زانکۆ و بانکەکە و بەدیهێنانی ئامانجەکانی پەرەپێدانی بەردەوام.