فێرخوازێکى بەشی پەیوەندییە نێودەوڵەتییەکان و دیپلۆماسی بەشداری لە چالاکییەکانی سەرژمێری دانیشتوان عێراق دەکات

فێرخواز دلۆڤان ئەمجەد بادین یەکێکە لە فێرخوازانى قۆناغی سێیەمی بەشی پەیوەندییە نێودەوڵەتییەکان و دیپلۆماسی لە زانکۆی جیهان-هەولێر، ڕۆژی سێشەممە 19/11/2024، لە میانەی بەشداریکردنی بەرنامەی ڕاهێنان بابەتێکى پێشکەش بەو کەسانە کرد، کە بەرپرسن لە بەڕێوەچوونى پرۆسەى سەرژمێری دانیشتوان.

لە میانەى پێشکەشکردنى بابەتەکەیدا زانیاری گرنگى سەبارەت بە گرنگترین ڕێکارەکانی سەرژمێری هەمەلایەنەی دانیشتوانی عێراق خستە روو، بەتایبەت لە شێوازی داڕشتنی فۆڕمی سەرژمێری و، چۆنیەتی پڕکردنەوەی بە دروستی لەلایەن ئەو کەسانەی بەرپرسیارن، بۆ ئەوەش ڕوونکردنەوەی وردی لەسەر گرنگترین ڕێگاکانی مامەڵەکردنی بەرپرسانی سەرژمێری لەگەڵ هاوڵاتیان پێشکەش کرد، بەتایبەت لە چۆنیەتى وتەکتیک و ڕێزگرتن و پرسیارکردن بە شێوەیەکی ڕوون، کە ڕاستەوخۆ دەبنە هۆی بەدەستهێنانی زانیاری دروست، کە پێویستن بۆ سەرکەوتنی سەرژمێری دانیشتوان لە عێراق.

ئەمساڵ دواى زیاتر لە (٢٥) حکومەتى عێراق بڕیارى پرۆسەى بەڕێوەچونى سەرژمێرى گشتى لە عێراقیدا، پڕۆسەکەش بەچەند هەنگاوێک بەڕێوەدەچێ و، تا ئێستا چەند هەنگاوێکى تەواو کراوە و، لە قۆناغى کۆتایش نزیک بۆتەوە.