لە پەڕلەمانی كوردستان چالاكیەكی هاوبەش لە نێوان بەشی پەیوەنديیە نێو دەوڵەتیەكان و پەرلەمان بەڕێوەچوو
ڕۆژی پێنجشەمە ڕێکەوتی ٢٧/ تشرینى دووەم/٢٠٢٥، سەرۆکایەتى بەشى پەیوەندیە نێودەوڵەتی ودیبلۆماسیەكان لە زانکۆى جیهان-هەولێر بەسەرپەرشتى دکتۆر رشید میکائیل محمد چالاكیەكی هاوبەشی لەگەڵ بەشی پرۆتۆکۆلی پەرلەمانی کوردستان لە هۆلی پەناگەی پەرلەمان بەرێوەبرد.
لەو چالاكیەدا، كە فێرخوازانى بەشی پەیوەندییە نێو دەوڵەتی ودیبلۆماسیەكان بەشدارییان كرد، سەرەتا دکتۆر رشید میكائیل بەشێوەیەکى زانستى وورد باسى چەمکى پرۆتۆکۆل وجۆرەکانى کرد، پاشان ئاماژەی بە مێژووی پرۆتۆکۆل کرد، دواتر تێشکى خستە سەر جیاوازى پرۆتۆکۆل لە نێوان وڵاتاندا، پاشان ئاماژەی بەوەکرد کە هەر ولاتێک پرۆتۆکۆلی تایبەت بەنەریتى خۆیان هەیە.
لەبەشێکى دیکەدا لەو سمینارە، دکتۆر یاسین مەحمود ڕاوێژکاری لێژنەی پەیوەندییەکانی دەرەوە پەرلەمان، لە وتەیەکیدا باسى لەوە کرد کە پەرلەمانی کوردستان لە نۆزدە لێژنە پێکهاتوە، یەکێک لەو لێژانانە، لێژنەى پەیوەندییەکانی پەرلەمانە، بۆ ئەوەش تیشکى خستە سەر ئەرکەکانى لێژنەى پەیوەندییەکان پەرلەمان وچۆنیەتی وهەماهەنگیان لەگەل بەشی پرۆتۆکۆلی پەرلەمان کە پێکەوە کاردەکەن.
دواتر دکتۆر بریار لە دەستەى راوێژکارانی پەرمان بوو باسی لە پەرلەمانى کوردستان و پەیوەندییەکانی لە گەل پەرلەمانەکانى دونیا وپەیوەندی لەگەل قونسڵگەری وولاتان لە هەرێمى کوردستان کرد.
لە دوا وێستگەی چالاكیەكەدا فێرخوازانی بەشی پەیوەندییە نێودەوڵەتیەكان، کۆمەلێک سەرنج و پرسیاریان ئاراستىەی پێشکەش کارانى سمینارەکە کرد، ڕاوێژكارانی پەرلەمانی كوردستان وەڵامی پرسیارەكانی دایەوە.
