پێشكه‌شكردنی كۆمه‌ڵێك سیمینار له‌لایه‌ن قوتابییانه‌وه
له‌درێژه‌ی چالاكییه‌كانی قوتابیانی به‌شی په‌یوه‌ندییه نێوده‌وڵه‌تی دیپلۆماسییه‌كان، ئه‌م هه‌فته‌یه قوتابیانی قۆناخی دووه‌م، خوێندنی به‌یانیان كۆمه‌ڵێك سیمیناریان پێشكه‌ش كرد.
سیمیناره‌كان ده‌رباره‌ی وانه‌ی (یاسای نێوده‌وڵه‌تی) بوو، به‌سه‌رپه‌رشتی مامۆستای وانه مامۆستا (ئامانج عه‌لی) ئاماده‌كرابوو، تیایدا قوتابیان تیشكیان خستبووه سه‌ر لایه‌نه جۆربه‌جۆره‌كانی (یاسای نێوده‌وڵه‌تی) بواره‌كانی ئه‌م یاسایه و تایبه‌تمه‌ندییه‌كانی.
شیاوی باسه دوای كۆتایی هاتنی هه‌ر سیمینارێك، قوتابیان به‌ڕێژه‌یه‌كی به‌رچاو به‌شدارده‌بوون له گفتوگۆ و تاوتوێ كردنی ناوه‌ڕۆكی سیمیناره‌كان .
