بەشی ژمێریاری گەشتێکی زانستی بۆ کۆمپانیای سیلکا لە شاری هەولێر ڕێکخست

ڕۆژی سێشەممە ٢٣ی نیسانی ٢٠٢٤ سەرۆکایەتى بەشی ژمێریاری گەشتێکی زانستی بۆ کۆمپانیای سیلکا  بۆ فێرخوازانى قۆنغى چوارەم ڕبەڕێوەبرد، بە ئامانجی ئاشناکردنی فێرخوازان بە سیستمی کارکردن و پەیوەندی بەشی دارایی لەگەڵ بەشەکانی تر.

لە میانەى ئەو گەشتە زانستیەدا، کە بە سەرپەرشتی دکتۆر هاشم محمد بەڕێوەچوو، فێرخوازان بەگەرمی لە لایەن احمد شەهاب وەک بەڕێوبەری کۆمپانیای سیلکا پێشوازییان لێکرا، پاشان هاوەڵى فێرخوازانى کرد بۆ بەسەرکردنەوەى بەشەکانى کۆمپانیاکە، بۆ ئەوەش یوسف سامی باسى لایەنى  ژمێریاری کۆمپانیاکە و سیستمی  (ERP) بۆ فێرخوازان باسکرد، هەروەها ڕوونیکردەوە کە چۆن مووچە و باڵانس و بەیاننامەی داهات و باڵانسی تاقیکردنەوە ئامادە دەکەن.

  پاشان فێرخوازان سه ردانى به شى ديزاينيان كرد و، لەلایەن سیما عەبدولڕەحمان وەک بەڕێوەبەری بەشی دیزاین كورتەيەكي لەبارەى چۆنیەتى كاركردنى له بەشەکەیان بۆ فێرخوازان باسکرد.