زانکۆى جیهان-هەولێر بەشدارى لە سمپۆزیۆمێکى تایبەت بە پڕۆگرامى ئیراسمۆس پڵەس دەکات

لە چوارچێوەى پلان و هەنگاوە زانستیەکانى زانکۆى جیهان-هەولێر بۆ بەرزکردنەوەى زیاترى ئاستى زانستى و ڕەچاوکردنى پێوەرە نێودەوڵەتیەکان، بەبانگهێشتى فەرمى عەمرو عزەت سەلامە ئەمیندارى گشتى یەکێتیى زانکۆکانى عەرەب کە ئاراستەى پڕۆفیسۆر دکتۆر ئەمجەد سابر دەلۆ سەرۆکى زانکۆى جیهان-هەولێرى کردبوو، هەریەک لە دکتۆر مەیسون حەیدەرى یاریدەدەرى سەرۆکى زانکۆ بۆ کاروبارى زانستى و، دکتۆر ساڵح زێبارى بەڕێوەبەرى نوسینگەى پەیوەندییە نێودەوڵەتیەکانى زانکۆى جیهان-هەولێر بەشداریان لە سیمپۆزیۆمێکى تایبەت بەپڕۆگرامى ئیراسمۆس پڵەس (Erasmus+)  یان کرد.

لەو سیمپۆزیۆمەدا، کە بەناونیشانى دەرەفەتەکان بۆ هاوکارى و هەماهەنگى نێودەوڵەتى لە نێوان زانکۆکانى کەنداو لە چوارچێوەى پڕۆگرامى ئیراسمۆس پڵەس (Opportunities for International Cooperation under the Erasmus+ Program of the European Union/ Gulf Universities) بوو  لە ڕۆژى چوارشەممە ڕێکەوتى (١٩/١/٢٠٢١) بەشێوەى ئۆنلاین بەڕێوەچوو.

 ئیراسمۆس پڵەسی (ERASMUS PLUS)  پرۆگرامێکی یەکێتی ئەوروپایە کە مانای پلانی چالاکی کۆمەڵگەی ئەوروپایە بۆ جووڵانەوە و ئاڵوگۆڕی فێرخوازان و ستافى زانستى زانکۆ دێ. پڕۆگرامەکە لە ساڵی (1987) بۆ بوارى پەروەردە و ڕاهێنان دامەزراوە، ئامانجی سەرەکی پڕۆگرامەکە بونیاتنانی توانای دامەزراوەکانی خوێندنی باڵایە لە جیهاند.

بەرنامەی ئیراسمۆس پلەس بە شێوەیەک داڕێژراوە، پشتگیری ووڵاتە بەرنامە دارەکانی یەکێتی ئەوروپا و هاوبەشەکانی هه‌یه‌، به‌تایبه‌ت ئه‌و وڵاتانه‌ی کە توانای بەهرەدارەکان بەکاردەهێنێت و، پەرە بە هەلەکانی هاوکاری و ئاڵوگۆرکردن لە نێوان وڵاتە جیاکان لە بواری خوێندنی بالا و گەنجان دەدات.

بەشێک لە مامۆستایان و ستافى زانستى و فێرخوازان لە کۆلێژەکانى زانکۆی جیهان- هەولێر بەتایبەت لە کۆلێژەکانى تەکنیکى پزیشکى، زانست و ئەندازیاری داواکاریان پێشکەشکردوە بۆ بەدەستهێنانى کورسییەکانی ئیراسموس پڵەس. ئەنجامی کۆتایی لە ئایندەیەکى نزیکدا ڕادەگەیەنرێت ، بەشێوەیەک هەلسەنگاندن بۆ داواکارى پێشکەشکاران دەکرێ، ئەوەش لەسەر بنەمای چەند پێوەرێک، کە لە لایەن ئێراسموس پڵەس و زانكۆی وارسۆ بۆ زانسته‌ زیندووه‌كان لە پۆڵەندا دانراوە، واش بڕیارە براوەکان لە سەرەتای مانگی دووەمی ئەمساڵ لە زانكۆی وارسۆ بۆ زانسته‌ زیندووه‌كان لە پۆلندا دەست بەخول و ڕاهێنان و خوێندنى وانەکانیان بکەن.

لەمیانەى بەڕێوەچونى سیمپۆزیۆمەکەدا، بەوردى گفتوگۆ لەبارەى چۆنیەتى چۆنیەتى سوود وەرگرتن لە پرۆگرامى (ERASMUS PLUS)بۆ پەرەپێدان بەگیانى هاوکارى و هەماهەنگى لە نێوان زانکۆکان بەتایبەت لە بوارى زانستى و بەرزکردنەوەى ئاستى زانستى زانکۆکان، بۆ ئەو مەبەستەش بەشداربوانى زانکۆى جیهان-هەولێر لە سیمپۆزیۆمەکەدا، بۆچونى و سەرەنجەکانیان لەبارەى تەوەرەکانى سیمپۆزیۆەمەکە خستەڕوو.