زانکۆى جیهان-هەولێر سپۆنسەرى نۆژەنکردنەوەى باڵەخانەی نویی سەنتەری پێداگۆجی زانکۆی سەلاحەدین-هەولێر دەکات
ڕۆژى پێنچ شەممە ڕێکەوتى (٢٧/٢/٢٠٢٥) پرۆفیسۆر دکتۆر ئەمجەد سابر دەلۆ سەرۆکى زانکۆى جیهان-هەولێر بەشدارى لە ڕێوڕەسمى کردنەوەى باڵەخانەی نویی سەنتەری پێذاگۆجی زانکۆی سەلاحەدین-هەولێرى کرد.
لەو ڕێوڕەسمەدا، کە بە ئامادەبوونی پڕۆفیسۆرى یاریدەدەر دکتۆر کامەران یونس محمدئەمین سەرۆکی زانکۆی سەلاحەدین-هەولێر و دکتۆر یاسین صالح بەڕێوەبەری گشتی فەرمانگەى نێردراوان و پەیوەندییە ڕۆشنبیرییەکان لە وەزارەتی خوێندنی باڵا و توێژینەوەى زانستى یاریدەدەرنی سەرۆکی زانکۆ و ڕاگر و بەڕێوەبەر و ژمارەیەک لە مامۆستایان بەڕێوەچوو، باڵەخانەی نویی سەنتەری پێذاگۆجی زانکۆی سەلاحەدین-هەولێر کرایەوە.
لەسەرەتادا، پرۆفیسۆر دکتۆر ئەمجەد سابر دەلۆ سەرۆکى زانکۆى جیهان-هەولێر و ئامادەبووانى مەراسیمەکە، بەشەکانى باڵەخانەکەیان بەسەرکردەوە و، لە نزیکەوە ئاشناى پرۆسەکانى نۆژەنکردنەوەى باڵەخانەکە بوون. بەو بۆنەیەوە سەرۆکی زانکۆى سەڵاحەدین-هەولێر وتەیەکى پێشکەش کرد و، تیایدا ئاماژەى بە کارەکانى لە ماوەى دەستبەکاربونى وەک سەرۆکى زانکۆ کرد، بەتایبەت لە نۆژەنەکردنەوە و دروستکردنى باڵەخانەی نوێ و مۆدێرن بۆ بەشێک لە بەڕێوەبەرایەتی و بەش و سەنتەرەکانیان، بۆ ئەوەش باسی لە هەماهەنگی کۆمپانیا و دامەزراوە حکومی و ناحکومییەکان کرد، کە کۆمەک و هاوکاریان بکەن.
لە بەشێکى دیکەى مەراسیمەکەدا پڕۆفیسۆرى یاریدەدەر دکتۆر کامەران یونس محمدئەمین سەرۆکی زانکۆی سەلاحەدین-هەولێر دیارى ڕێزلێنان و لۆگۆی زانکۆکەکەى پێشکەش بە پرۆفیسۆر دکتۆر ئەمجەد سابر دەلۆ سەرۆکى زانکۆى جیهان-هەولێر کرد لە بەرانبەر سپۆنسەرکردنی نۆژەنکردنەوەى باڵەخانەکەدا. بۆ ئەوەش سەرۆکى زانکۆى جیهان-هەولێر دوپاتى لە هەماهەنگى و هاوکارى لە بوارە جیاوازەکانى نێوان زانکۆکان کردەوە بۆ خزمەتکردن بە ڕەوتى زانست و فێربوون.
