سه‌رۆكی زانكۆی جیهان–هه‌ولێر ڕۆژى جیهانى مامۆستایان لە مامۆستایانى کوردستان پیرۆز دەکات
ڕۆژى (٥/١٠) کە هاوکاتە لەگەڵ ڕۆژى جیهانى مامۆستایان، پڕۆفیسۆر دکتۆر ئەمجەد سابر دەلۆ سەرۆکى زانکۆى جیهان-هەولێر لە پەیامێکدا پیرۆزبایی لە مامۆستایان دەکات، کە ئەمەش دەقەکەیەتى:
مامۆستایانى خۆشەویست..
ڕۆژى جیهانى مامۆستایانتان پیرۆز بێت …
بە بۆنەی ڕۆژى جیهانى مامۆستایان، خۆم بەخۆشحاڵ دەزانم گەرمترین پیرۆزبایی ئاراستەی مامۆستایان بەگشتى و مامۆستایانى زانکۆى جیهان-هەولێر بە تایبەتی دەكەم، مامۆستایان لە ڕابردودا ڕۆڵى گرنگى و پیرۆزیان هەبووە لە پێگەیاندنى هەزاران گەنج، کە ئەمڕۆ لە بوارە جیاوازەکانى ژیان خزمەت بەکۆمەڵگە و دامەزراوە جیاکان دەکەن، لەسەردەمى ئەمڕۆشدا کە بەسەردەمى جیانگیرى ناسراوە ئەرکى مامۆستایان ئێجگار قورس و پیرۆزە، بۆیە لەم یادە جیهانیەدا ئەخوازم مامۆستایان بەردەوامى بدەن بەکاروانى خزمەت و گۆشکردنى نەوەکانى ئەمڕۆمان، چونکە داهاتووى کۆمەڵگەکانمان بەندە بەئاستى ئەو زانست و زانیاریانەى لەلایەن مامۆستایانەوە لە سێکتەرە جیاکان پێشکەش بەفێرخوازان دەکرێ.
دووبارە هیوای ژیانێكی ئاسوودە وسەركەوتن لە پڕۆسەى فێرکردن و خوێندن بۆ مامۆستایان و فێرخوازان دەخوازم.
پرۆفیسۆر دكتۆر ئەمجەد صابر دەلۆ
سەرۆکی زانکۆی جیھان – ھەولێر
