به‌رده‌وامی كۆبوونه‌وه‌كانی به‌شی په‌یوه‌ندییه‌ نێوده‌وڵه‌تییه‌كان به‌شێوه‌ی ئۆنڵاین

له‌درێژه‌ی كۆبوونه‌وه‌كانی به‌شی په‌یوه‌ندییه‌نێوده‌وڵه‌تی و دیپلۆماسییه‌كان، ئێواره‌ی رۆژی 24-4-2020، سه‌رۆكی به‌ش به‌شێوه‌ی ئۆنلاین له‌گه‌لأ ستاڤی به‌شه‌كه‌ كۆبوویه‌وه‌.
كۆبوونه‌وه‌كه‌ كه‌ به‌سه‌رپه‌رشتی مامۆستا (ئامانج علي) و ئاماده‌بوونی مامۆستا (عبدالله ناهی) هاریكاری به‌ش بۆ كاروباری ئیلیكترۆنی ئاماده‌بوو، هه‌ڵسه‌نگاندنی بۆ ده‌ستپێكی خوێندنی ئیلیكترۆنی به‌شه‌كه‌ كرد، له‌گه‌ڵ ده‌سنیشانكردنی ئاسته‌نگه‌كان و دانانی چاره‌سه‌ری گونجاو بۆیان. هاوكات هه‌ر له‌كۆبوونه‌كه‌دا كۆمه‌ڵێك بابه‌تی دیكه‌ی زانستی گفتوگۆكرا.