بەشی پەروەردەی گشتی هاوکارى بەسەر ژمارەیەک خێزان و منداڵی بێ باوک دابەش دەکات
بەشی پەروەردەی گشتی لە زانکۆى جیهان-هەولێر لە بەردەوامى پڕۆژە خێرخوازییەکانیدا لە مانگى پیرۆزى ڕەمەزاندا بڕە پارەیەکی بۆ جلوبەرگی جەژن بەسەر خێزانی منداڵانی بێ باوک دابەش کرد.
ڕۆژى دووشەممە ڕێکەوتى (٨/٤/٢٠٢٤) دکتۆر ئەحمەد عەبد عون سەرۆکى بەشى پەروەردەى گشتى بە هاوکاری دەزگای زێرین بۆ سەرپەرشتى منداڵە بێ باوک، لە مزگەوتى جودەت ئەسعەدى هاوکارییەکەى بەسەر خێزانەکاندا دابەش کرد. لەو چالاکیەدا، کە بەئامادەبونى کەنعان سیساوەیی سەرۆکى دەزگای زێرین بۆ سەرپەرشتى منداڵە بێ باوک بەڕێوەچوو بڕى پێنچ سەد هەزار دینارى بەسەر پێنج خێزانی منداڵی هەتیودا دابەش کرد
ئەم بڕە پارەیە پێشتر جاسم فاخر فێرخوازى قۆناغى سێیەمى بەشى پەروەردەى گشتى لە فێرخوازان و مامۆستایان و هەندێک هاوکاری دەرەوەی زانکۆ کۆکرایەوە، لە پێناو چەسپاندنی بەها کۆمەڵایەتییەکان و کاری خێرخوازی و پاراستنی پەیوەندی لەگەڵ کۆمەڵگەی ناوخۆییدایە.
