فێرخوازانى بەشی زمانی ئینگلیزی هۆشیاریی تەندروستی دەروونی جیهانییان لە پارکی پێشمەرگە بڵاودەکەنەوە

ڕۆژی هەینی، ڕێکەوتی 10/10/ 2025، گروپێک لە فێرخوازانى قۆناغی دووەمی بەشی زمانی ئینگلیزی لە زانکۆی جیهان – هەولێر، چالاکییەکی هۆشیارکردنەوەیان لە پارکی پێشمەرگە ئەنجام دا. چالاکییەکە بە سەرپەرشتیی مامۆستای یاریدەدەر (مەروە مەحموود ئەمین) بەبۆنەی ڕۆژی جیهانیی هۆشیارکردنەوە بە تەندروستی دەروونی بوو، کە ساڵانە لە 10ی تشرینی یەکەمدا بەڕێوەدەچێت.

لە میانی چالاکییەکەدا، فێرخوازان بە شێوەیەکی کارا لەگەڵ سەردانکەرانی پارکەکە کارلێکیان کرد بۆ بەرزکردنەوەی ئاستی هۆشیاریی دەربارەی کێشە تەندروستییە دەروونییەکان لەنێو هەرزەکاراندا و تیشکیان خستە سەر ئەو گرفتە تایبەتانەی کە گەنجان لە کۆمەڵگەی ئەمڕۆدا ڕووبەڕوویان دەبنەوە. ئەوان بڕۆشوریان دابەش کرد کە زانیاریی گرنگیان لەخۆگرتبوو، ڕوونیان دەکردەوە کە تەندروستی دەروونی نەخۆشی نییە، بەڵکو باری سۆزداری، دەروونی و کۆمەڵایەتی دەگرێتەوە و، پێویستی بە بایەخدان و چاودێری هەیە.

هاوکات فێرخوازانى بەشى زمانى ئینگلیزى چەندین ئامۆژگارییان پێشکەش بە هاوڵاتیان کرد، ئەوانیش بریتیبوون لە خووی ڕۆژانە و چالاکییەکان بۆ باشترکردنی باری سۆزداری و دەروونی، هەروەک ستراتیژییەکانی تێپەڕاندنی ناڕێکییە دەروونییەکانیان ڕوون کردەوە، ئەوەش لە ڕێگەی تەکنیکەکانی ڕووبەڕووبوونەوە و بنیاتنانی خۆڕاگرییەوە.

لە کۆتایی چالاکییەکەدا، فێرخوازان پەیامێکی هاندانبەخشیان گەیاند: ‘خۆ-گرتنەبەرت پێویستییە و تەندروستی دەروونیش لە پێشینەیە.’ داوایان لە خەڵک کرد ئەم پەیامە زیاتر بڵاوبکەنەوە، جەختیان لەسەر ئەوەش کردەوە کە تەندروستی دەروونی لە پێشینەیە و پاڵپشتی و تێگەیشتن هەمیشە بەردەستە بۆ ئەوانەی کە ڕووبەڕووی کێشە تەندروستییە دەروونییەکان دەبنەوە.