بەشی راگەیاندن

"1- شیاندنی نەوەیەك لە دەرچووان بە ئاستێكی زانستی پتەو ، بە پشت بەستن بە پرشۆگرامی خوێندنی نوێ‌ و مەشق پێكردنی چڕ ، تا میدیاكارێكی وای لێدەربچێت كە توانای كێبڕكێی هەبێت لە بازاڕی كاردا
2- بڵاو كردنەوەی بنەماكانی راگەیاندنێكی نوێخوازی سەردەمیانە ، پابەند بە كێشەكانی كۆمەڵگە و ئاواتەكانی ، پشت دەبەستێت بە راستگۆیی و بابەتی بوون و رۆشنبیری مافەكانی مرۆڤ .
3- پەرەدان بە لێهاتوویەكانی قوتابیان لە پسپۆڕیە جیاوازەكانی راگەیاندندا ، وەك بوارەكانی رۆژنامەگەری خوێنرا بێت یان بیسرا و یان بینراو ، یان لە راگەیاندنی نوێ‌ ، ریكلام یان پەیوەندی گشتی و شیاندنی كەسانی لێهاتوو كە توانای كێبڕكێیان هەبێت لە بازاڕی كاردا لە ناوخۆ و لە ئاستی نێودەوڵەتیدا . هەروەها بتوانن كاربكەن لە ئاژانسەكانی هەواڵ و سەتەلایت و پێگە ئەلیكترۆنیەكان ، هەروەها لە بواری بانك و بە بازاڕكردن و كۆمپانیا ریكلامیەكان
4- ئامادە كردنی دەرچوان بە شێوەیەكی زانستی لەسەر بنەما و ئالیەتە پیشەگەریەكان لە نووسین وێنەگرتنی رۆژنامەوانی لە رۆژنامە و گۆڤارەكاندا .
5- گەشەدان بە كارامەیی دەرچوان لە بوارەكانی ئامادەكردن و پێشكەشكردنی رادیۆیی و تەلەفزیۆنی بە شێوەیەكی پیشەگەرانە و ئاشنا كردنیان بەو بنەمایانەی كە پێشكەشكاری سەركەوتوو پێویستە هەیبێت . 6- پەرەدان بە توانای فێرخوازانی بوارەكانی نووسینی ئەلیكترۆنی ، وە دیزاین كردن و جێبەجێكردنی پێگە ئەلیكترۆنیە هەواڵی و تایبەت و گشتیەكان ، هەروەها لە بوارە نوێكانی پەیوەندی كردن بە جەماوەرەوە بە تایبەت كۆمەڵگەی ژمارەیی كە رۆژ لەدوای رۆژ لە برەودان دایە لە هردوو رووی چەندی و جۆری
7- مەشق پێكردن و ئامادەكردنی قوتابیان لەسەر ئەدا كردنی رۆڵی میدیایی جۆراوجۆر لە ئاستی پلاندانان و جێبەجێكردنی هەڵمەتەكانی راگەیاندن و ریكلام كردن و هەڵمەتەكانی پەیوەندیە گشتیەكان ، لەگەڵ ئەنجامدانی رووپێوی رای گشتی لە رێگەی بەكارهێنانی نوێترین نموونە راگەیاندكاریە باوەكان لە جیهانی ئەمڕۆماندا وە بە پشت بەستن بە بنەما پیشەگەری و زانستیەكاندا.
8- ئامادەكردنی قوتابیان بۆ ئەدا كردنی رۆڵی راگەیاندنی جیاواز ، بە پێی بنەماو یاساو بەها راگەیاندكاریەكانەوە هەروەها لەسەر بنەمای ئەو یاسایانەی كە دەیانپارێزێت لە كەوتنە نێو هەڵە یاساییەكانەوە لە كاتی ئەنجامدانی ئەركە راگەیانكاریە جیاوازەكانیان . "

بەشی راگەیاندن یەكێكە لە بەشە زانستیەكان كە تیایدا زانستی راگەیاندن و هونەرەكانی میدیا بە گشتی دەخوێنرێت ، هەروەها دوایین پێشكەوتنەكانی پەیوەندیە كۆمەلایەتیەكان بۆ پێگەیاندنی نەوەیەكی ووشیار لە بواری میدیا و بەدەست هێنانی بروانامەی ئەكادیمی لە هەموو لق و بوارە جیاوازەكانی میدیادا

ئامادە كردن و پێگەیاندنی كەسانی شیاو و لێهاتوو كە بتوانن پێداویستی و ئەو بۆشاییەی كە لەم بوارە دا هەیە پڕبكەنەوە لە بازاڕی كار و دەزگا راگەیاندنە جۆربەجۆرەكان . ئەم بەشە بەشداریدەكات لە پڕكردنەوەی ئەو بۆشاییە بەردەوامەی كە هەیە لە میلاكی راگەیاندندا كە بەشێوەیەكی پتەو زانستیانە و سەردەمیانە ئامادە كرابێت و ئاگاداری نوێترین پەرەسەندنە تەكنەلۆژیەكانیش بێت لە بواری پەیوەندی جەماوەریدا ، ئەمەش لەرێگەی پشتبەستن بە نوێترین سەرچاوە و پڕۆگرامەكانی خوێندن لەلایەك وە فەراهەمكردنی مامۆستای پسپۆری خاوەن بروانامەی ئەكادیمی و ئەزمونی زانستی لە بواری میدیای رۆژنامەوانی و رادیۆ و تەلەفزیۆن و ئەلیكترۆنیدا .

هەلی کار هەیە بۆ دەرچووانی بەشی میدیا لە زۆر شوێن:
١- پەیامنێر و نووسیاری هەواڵ و فۆتۆگرافەر لە ئاژانسی هەواڵی لۆکال، هەرێمی و نێودەوڵەتی.
٢- فۆتۆگرافەر/نووسیاری هەواڵ/ دەرهێنەر/ئامادەکاری بەرنامە/پێشکەشکاری هەواڵ و بەرنامەی جۆراوجۆر لە کەناڵی ئاسمانی و لۆکال بە زمانی کوردی، عەرەبی و ئینگلیزی.
٣- پەیامنێر و نووسیاری هەواڵ، وتارنووس، نووسینی ڕاپۆرتی لێکۆڵینەوەیی ڕۆژنامەوانی لە ڕۆژنامەی لۆکال، هەرێمی و نێودەوڵەتی.
٤- دیزاینەری ڕێکلامی ڕۆژنامەوانی و تەلەفزیۆنی و ئەلیکتڕۆنی لە دەزگاکانی ڕێکلام.
٥- بەڕێوەبەری راگەیاندن و پەیوەندییە گشتییەکان و بازاڕکردن لە کۆمپانیا و دەزگاکانی حکوومی و تایبەت.
٦- گوتەبێژی فەرمی لە داوودەزگە حکوومییەکان.
٧- بەڕێوەبردنی وێبسایت و تۆڕە کۆمەڵایەتییەکان لە دەزگەی جۆراجۆر.
٨- مامۆستا لە بەشی میدیای زانکۆ و پەیمانگەکان.