یارییەكانی كۆتایی خولی تۆپی پەرمووچ بەڕێوەدەچن

لە درێژەی یارییەكانی خولی تۆپی پەڕەمووچ بۆ مامۆستایانی ژن و كچ لە بەشە زانستیەكانی زانكۆی جیهان، كە بەسەرپەرشتی به‌شى پەروەردەى جەستەیی و زانستییە وەرزشییەکان لە زانكۆی جیهان-هەولێر بەڕێوەدەچێت، یارییەكی دیكە ئەنجامدرا.

لەو یارییەدا، كە ڕۆژی پێنچ شەممە ڕێكەوتی (18/3/2021) لە نێوان مامۆستای یاریدەدەر سۆما عەزیز و مامۆستای یاریدەدەر فریشتە محەمەد لە یاریگەی داخراوی زانكۆی جیهان-هەولێر بەڕێوەچوو، یارییەكی زۆر گەرمووگوڕ بوو.

لە ئەنجامی یارییەكەدا، مامۆستای یاریدەدەر سۆما عەزیز بەبردنەوەی دوو گێم بەرامبەر یەك گێم لە مامۆستای یاریدەدەر فریشتە محەمەدی بردەوە.