بەشى بایۆمیدیکەڵ

ئاماده‌كرنی كادیری لێهاتوو و بەتوانا بۆ ڕابه‌رایه‌تیكردن و‌ به‌جێهێنانی كارامه‌یی بنه‌ڕەتی و پێشكه‌وتوو له‌بواری بایۆمیدیکەڵ و خزمه‌تكردنی كۆمه‌ڵگە، لەهەمانكاتدا هاندانی فێربوون به‌شێوه‌یه‌ك كه‌ قوتابی تیایدا سه‌ركه‌وتوو بێت، یەكێكی دیكە لە ئامانجە بنەڕەتییەكانی ئەم بەشە، لە ڕێگەی گەیاندن و پێشكەشكردنی وانەكان‌ به‌شێوه‌یه‌كی سەردەمیانە بەدی دێ.

ده‌رچوانی ئه‌م به‌شه‌، دوای تەواوكردنی قۆناغەكانی خوێندن بەسەركەوتویی ده‌توانن له‌ زۆر بواردا كار بكه‌ن؛ وه‌كو:

تاقیگه‌ی پزیشكی بۆ شیكاری نه‌خۆشییه‌كان.
سه‌نته‌ری توێژینه‌وه‌ی پزیشكی.
كۆنتڕۆڵی جۆری، خۆراك وده‌رمان.
په‌روه‌رده‌ی ته‌ندروستی.
سیسته‌می چاودێری ته‌ندروستی.
هه‌ڵمه‌تەكانی به‌ره‌نگاربوه‌نه‌وه‌ی نه‌خۆشییه‌ درمیه‌كان.
تەواوکردنی خوێندنی باڵا و كاركردن وەك توێژەری زانستی و مامۆستای زانكۆ لە زانكۆ و پەیمانگە حكومی و تایبەتەكان.

به‌شی بایۆمیدیکەڵ له‌ساڵی (2019) دامەزراوە، ماوەی خوێندن له‌م به‌شه‌ چوار ساڵە،‌ بڕوانامه‌ی به‌كالۆریۆس له‌ زانستی بایۆمیدیکەڵ ده‌به‌خشێته‌ ده‌رچوان. ئه‌م به‌شه‌ هه‌وڵده‌دات ده‌رچوه‌كانی لێهاتوو و پڕ زانست و زانیاری بن و له‌بواری چاودێری ته‌ندروستی چالاك بن.

په‌یامی به‌ش بریتیه‌ له‌ پێگەیاندنی کادیری پزیشکی لێهاتوو كارامه‌ تا بتوانن بواری چاودێری و ته‌ندروستی به‌ره‌وپێش ببه‌ن و باشتر خزمه‌تی كو‌مه‌ڵگە بكەن، پەیامێكی دیكەی بەشەكە ئەوەیە ده‌رچوان ببنە‌ ڕابه‌ری خاوەن‌ باوەڕ و ڕاستگۆیی له گه‌یاندنی په‌یامی كواڵیتی به‌رزی پزیشكی له‌نێو ژینگه‌ی جیهان و ته‌كنۆلۆجیای پێشكه‌وتوی ئەم سەردەمە و به‌یه‌كگه‌یاندنی خوێندنی هاوبه‌ش .

تێڕوانینی به‌شی بایۆمیدیکەڵ ئه‌وه‌یه‌،‌ ئه‌و ده‌ستكه‌وتانه‌ی لە بواری چاودێری ته‌ندروستی، په‌روه‌رده‌، ڕابه‌ڕایه‌تیكردن و لێكۆلینه‌وەی زانستی‌، به‌شێوه‌یه‌كی به‌رفراوان له‌سه‌ر ئاستی جیهان بەدەستهاتوون یان بەدەستدێن ئاشنای فێرخوازانى بكات تا ئاگاداری دواین پێشهات و دەسكەوتە زانستییەكان بن.