بەشی کارگێڕی کار

قوتابى

ستافی ئەکادیمی

کۆرسەکان

تاقیگەکان

""پێگەیاندنی بیرمەندانی بزنس بۆ داهاتوو"

د. هاوکار قاسم پیرداوود

سەرۆکی بەشى - کارگێڕی کار

بۆچی ئێمە هەڵبژێریت؟

درباره

بەشی کارگێڕی کار لە زانکۆی جیهان-هەولێر کاردەکات بۆ ئامادەکردنی فێرخوازان تا بتوانن ڕووبەڕووی ژینگەی ئاڵۆزی کار لەم سەردەمەدا ببنەوە. پرۆگرامى خوێندن لە بەشەکەدا بەشێوەیەک داڕێژراوە فێرخوازان بەو زانست و کارامەییە بنەڕەتییانە پڕچەک دەکات، کە پێویستن بۆ چارەسەرکردنی کێشە و ئاڵنگارییە جۆراوجۆرەکانی بواری بزنس و کارگێڕى. پرۆگرامەکە جەخت لەسەر بەکارهێنانی تەکنیکە شیکارییەکان، داڕشتن و جێبەجێکردنی ستراتیژی کاریگەر و گەیشتن بە تێگەیشتنێکی قووڵ لە ئەرکە کارگێڕییەکان لەسەر هەردوو ئاستی ستراتیژی و جێبەجێکردن دەکاتەوە.

دیدگه

دیدگای بەشی کارگێڕی کار بریتییە لە پەرەپێدانى کەلتوورێکی نایابی ئەکادیمی، سەرکردایەتی و پیشەگەری، لە ڕێگەی پابەندبوونی تەواوەوە بە ستانداردە بەرزەکانی کوالیتی خوێندن، بەشەکە کار بۆ بەرزکردنەوەی توانست و داهێنانی سەرکردەکانی داهاتووی بواری کارگێڕى دەکات، بۆ ئەوەی بە تەواوی فێرخوازان بۆ وەڵامدانەوەی پێداویستییە گۆڕاوەکانی بازاڕی کار ئامادە بکات. بۆ گەیشتن بەم دیدگایە؛ کارى تەواو دەکەین بۆ دابینکردنى ژینگەیەکى خوێندنى ئەکادیمی نایاب.

ئەرک

ئەرکی سەرەکی بەشى کارگێڕى کار بەدیهێنانی ستانداردە بەرزە ئەکادیمییەکانە، ئەویش لە ڕێگەی پێشکەشکردنی پرۆگرامێکی خوێندنی گشتگیر. ئەم پرۆگرامە بەشێوەیەک داڕێژراوە وەڵامی پێداویستییەکانی کەرتە جۆراوجۆرەکانی وەک پیشەسازی، ئابووری و کۆمەڵگە بداتەوە، هاوکات لەگەڵ پشتگیریکردنی ئامانجە نیشتمانی و هەرێمییەکان، ئەمەش لە ڕێگەی ڕەخساندنی ژینگەیەکی فێربوونی لەبار و جێبەجێکردنی دەستپێشخەریی کاریگەر بۆ پەرەپێدانی توانا مرۆییەکان.