ئەرک

ئەرکی سەرەکی بەشى کارگێڕى گشتى ئامادەکردنی دەرچووانە بۆ وەرگرتنی بەرپرسیارێتی لە بەڕێوەبردنی دامەزراوەکانی کەرتی گشتی و یەکە کارگێڕییەکاندا، هەربۆیە فێرخوازانمان بەو کارامەییە بنەڕەتییانە پڕچەک دەکەین کە لە پلاندانان، ڕێکخستن، سەرکردایەتیکردن، پەیوەندی و هەماهەنگیدا پێویستن. هەر لە چوارچێوەى پرۆگرامی خوێندندا، دەرچووان توانای دانوستاندن، بەڕێوەبردنی سەرچاوەکان و بڕیاردانی کاریگەریان دەبێت، ئەوەش بە پشتبەستن بە بنەما دروستەکانی کارگێڕی. هەروەها، ڕاهێنانیان پێدەکرێت بۆ ئەوەی بە شێوەیەکی پیشەییانە و کارا، بەشداری لە بەرزکردنەوەی ئاستی بەرهەمداریی دامەزراوە گشتییەکاندا بکەن.