پڕۆفیسۆر دکتۆر ئەمجەد سابر دەلۆ پیرۆزبایی لە سەرۆکی نوێى زانکۆی پۆلیتەکنیکی هەولێر دەکات

بۆ پیرۆزبایکردن و پتەوکردنى پەیوەندییە زانستى و ئەکادیمیەکانى نێوانیان، سەرۆکى زانکۆى جیهان-هەولێر سەردانى سەرۆکى زانکۆى پۆلیتەکنیکى هەولێرى کرد.

رۆژی چوارشەممە رێکەوتی (2022/6/15) پڕۆفیسۆر دکتۆر ئەمجەد سابر دەلۆ سەرۆکى زانکۆى جیهان-هەولێر سەردانى سەرۆکى زانکۆى پۆلیتەکنیکى هەولێرى کرد و، لەلایەن پڕۆفیسۆرى یاریدەدەر دکتۆر ئیدریس محمدطاهر هەرکی سەرۆکى زانکۆ بەگەرمى پێشوازی لێکرا.

لە دیدارێکدا پڕۆفیسۆر دکتۆر ئەمجەد سابر دەلۆ بەبۆنەى دەستبەکاربوونى وەک سەرۆکى نوێى زانکۆى پۆلیتەکنیکى هەولێر پیرۆزبایی لە پڕۆفیسۆرى یاریدەدەر دکتۆر ئیدریس هەرکی کرد و، هیوای سەرکەوتنی لە ئەرکە نوێیە بۆ خواست، لە بەرامبەردا سەرۆکی زانکۆی پۆلیتەکنیکی هەولێر دواى بەخێرهێنانى سوپاسی سەرۆکی زانکۆی جیهان-هەولێری کرد بۆ پیرۆزیایی و سەردانیکردنەکەیان.

لە بەشێکی دیکەی دیدارەکەدا گفتوگۆ لەبارەی بەرەوپێشبردن و پتەوکردنی پەیوەندییەکانی نێوان هەردوو زانکۆی پۆلیتەکنیکی هەولێر و زانکۆی جیهان-هەولێر بەئامانجى خزمەتکردن بەپڕۆسەى خوێندن و زانست لە کوردستان.