د. نوزاد یحیى باجگر پیرۆزبایى له‌ مه‌سرور بارزانى ده‌كات

به‌ڕێز دكتور نوزاد یحیى باجگر سه‌رۆكى ده‌سته‌ى ئه‌میندارێتى زانكۆكانى جیهان ( هه‌ولێر-سلێمانى-دهۆك) پیرۆزبایى له‌ به‌ڕێز مه‌سرور بارزانى ده‌كات به‌ بۆنه‌ى ڕاسپاردنى به‌ڕێزیان بۆ دامه‌زراندنى كابینه‌ى نۆیه‌مى حكومه‌تى هه‌رێمى كوردستان.

ئه‌مه‌ش ده‌قى پیرۆزبایى نامه‌كه‌یه‌:

به‌ڕێز كاك مه‌سرور بارزانى سه‌رۆكى ئه‌نجومه‌نى وه‌زیرانى حكومه‌تى هه‌رێمى كوردستان-عێراق

سڵاو و ڕێزى بێ پایه‌ن..
به‌ناوى خۆم و سه‌رۆكایه‌تى و ئه‌نجومه‌نى سه‌رۆكایه‌تى و مامۆستایانى زانكۆكانى جیهان له‌ ( هه‌ولێر-سلێمانى-دهۆك) گه‌رمترین پیرۆزبایى له‌به‌ڕێزتان ده‌كه‌ین, به‌بۆنه‌ى ڕاسپاردنى به‌ڕێزتان بۆ دامه‌زراندنى كابینه‌ى نۆیه‌مى حكومه‌تى هه‌رێمى كوردستان و بوونى به‌ڕێزتان به‌ سه‌رۆكى حكومه‌تى هه‌رێمى كوردستان.

به‌ڕێز سه‌رۆكى حكومه‌تى هه‌رێمى كوردستان..
دڵنیاین له‌ كارامه‌یى و لێوه‌شاوه‌یى به‌ڕێزتان بۆ دامه‌زراندنى حكومه‌تێكى به‌هێزى ئارامى و ئاوه‌دانى و بوژانه‌وه‌ى زیاترى كوردستان له‌ هه‌موو بواره‌كاندا, به‌تایبه‌تیش بایه‌خدانى زیاتر به‌كه‌رتى په‌روه‌رده‌و خوێندنى باڵاو به‌رو دان به‌ زانست و ته‌ندروستى و بوژانه‌وه‌ى زیاترى بوارى بازرگانى و پیشه‌سازى و كشتوكاڵ و ته‌واوى سێكته‌ره‌ گرنگه‌كانى ژیان.

ئێمه‌ش وه‌ك ناوه‌ندى زانستى و خوێندنى باڵا, به‌هه‌موو توانایه‌كمانه‌وه‌ پشتیوان و پشتگیرى به‌ڕێزتانین بۆ كابینه‌ى نۆیه‌م.

هه‌ربژین بۆ ئاوه‌دانى و بوژانه‌وه‌ و سه‌قامگیرتركردنى هێمنى و ئارامى كوردستان.

 

 

براتان
دكتۆر نوزاد یحیى باجگر
سه‌رۆكى ده‌سته‌ى ئه‌میندارێتى زانكۆكانى جیهان
هه‌ولێر – 11/6/2019