فێرخوازانى بایۆمیدیکاڵ لە زانکۆى جیهان-هەولێر چالاکیى خێرخوازى بەڕێوەدەبەن
بە مەبەستی یادکردنەوە و بەرز ڕاگرتنی رۆژی لە دایک بوونی پەیامبەرى موسڵمانان پێغەمبەر محمد (د.خ.) و، پێشوازیکردن لە ساڵی نوێی خوێندن، سەرۆکایەتى بەشی (بایۆمێدیکاڵ) لە زانکۆى جیهان-هەولێر چالاکیەکى خێرخوازى بەڕێوەبرد.
لەو چالاکیەدا، کە ڕۆژى دووشەممە ڕێکەوتى (١٦/٩/٢٠٢٤) بەسەرپەرشتى مامۆستایان، (دکتۆر علی محمد حسین) و (مامۆستاى یاریدەدەر هێرۆ اسماعیل محمد) بەڕێوەچوو، فێرخوازانى بەشى بایۆمیدیکاڵ سەردانى خانەی نەوجەوانانی (کوران و کچان)یان لە شارى هەولێر کرد و، کۆمەڵێک پێداویستی و کەل و پەلی قوتابخانەیان پێشکەش بە منداڵانی نیشتەجێی خانەکە کرد، هیواشیان خواست ساڵى نوێى خوێندنى (٢٠٢٤-٢٠٢٥) بەسەرکەوتویی تەواو بکەن.
ساڵانە لە زانکۆى جیهان-هەولێر چالاکى جۆراوجۆر بۆ خزمەتکردن بە چین و توێژە جیاکانى کۆمەڵگە بەڕێوەدەبن، ڕێکخستنى ئەم چالاکى خێرخوازیەش جگە لە کۆمەکردنى منداڵانى بێ سەرپەرشت، هاوکات دەبێتە بەشێک لە بەرزکردنەوەی هەستی بەرپرسیاریەتی فێرخوازانى زانکۆ بەرانبەر بە کۆمەڵگە و هاندانیان بۆ کاری خۆبەخشی و خێرخوازی.
.
