فێرخوازانى نیوتریشن و دایەتێتیکس نەخۆشخانەیەکى تایبەت بەسەردەکەنەوە

بەئامانجى لە نزیکەوە ئاگاداربون و زانینى چۆنیەتى کارکردن لە بوارى تەندروستى، سەرۆکایەتى بەشى نیوتریشن و دایەتێتیکس لە زانکۆى جیهان-هەولێر سەردانێکى زانستى بۆ فێرخوازانى بەشەکەى ڕێکخست.

ڕۆژی پێنچ شەممە ڕێکەوتى 2/3/2023 بەسەرپەرشتى پرۆفیسۆر دکتۆر نەشوان ئەلتائی فێرخوازانى قۆناغى چوارەم لە بەشى نیوتریشن و دایەتێتیکس سەردانی نەخۆشخانەی سۆرانى تایبەتیان لە شاری هەولێر کرد.

لە میانەى سەردانە زانستیەکەیاندا، فێرخوازان لەلایەن مامۆستاى سەرپەرشتیار ئاشناى چۆنیەتى خۆراکدانى زارەکی کرا، لە ڕێگەی بۆرییەکی ناو خوێنبەرەوە، بۆ ئەوەش ئەو ئامێر و ئامرازانەى بەکاردەهێندرێن و، لەگەڵ چۆنیەتى بەکارهێنانیان بۆ فێرخوازان باسکرد.

سەردانە زانستیەکە بووە دەرفەتێک بۆ فێرخوازان تا بەشێوەیەکى مەیدانى و لە ژینگەى کارکردن ڕاهێنان لەسەر بابەتەکان بکەن.