كردنەوەی پیشانگایەك بۆ پڕۆژەكانی قوتابیانی ئەندازیاری تەلارسازی و دیزاینی ناوخۆیی

رۆژی دووشەممە 22/2/2016 بە ئامادەبوونی سەرۆكی دەستەی ئەمیندارانی بەڕێز دكتۆر نەوزاد یحیی باجگر و سەرۆكی زانكۆ بەڕێز دكتۆر فوئاد مولود شریف  پیشانگایەك بۆ پڕۆژەكانی قوتابیانی ئەندازیاری تەلارسازی و دیزاینی ناوخۆ كرایەوە

پیشانگاكە ژمارەیەكی زۆر  میوانان و مامۆستایانی زانكۆ و قوتابیانی بەخۆوە بینی و بەتایبەت لە زانكۆكانی تری كوردستان . پیشانگاكە لە كەش و هەوایەكی ئەكادیمیدا  لە ناو زانكۆی جیهان لە هەولێردا كرایەوە ، تیایدا ئامادەبووان سەرسام بوون بە پڕۆژەكانی قوتابیان كە لەسەرووی پێشبینی ئامادەبووان بوو .

دكتۆر نوزاد دڵخۆشی خۆی دەربڕی  لەبەرامبەر پڕۆژەكانی قوتابیان و  پاڵپشتی تەواوی خۆی  بۆ قوتابیان دەربڕی و داوای سەركەوتن و دواڕۆژێكی گەشی پیشەیی كرد بۆ قوتابیان