به‌شی ئه‌ندازیاری ته‌لارسازی

ئەم بەشە هەوڵ دەدات ببێت بە پێشەنگ لە بواری فێركردن لە ئەندازیاری تەلارسازیدا بە شێوەیەك كە خزمەت بە پێویستی عێڕاق و ناوچەكە بكات ، بەشی تەلارسازی ئامانجی پاڵپشتیكردنی دیزاینەرە داهێنەرەكانە بە ئاستێكی ئەندازیاری بەرزی مەعریفی و فێركردن كە ببێتە پردێك بۆ پڕكردنەوەی ئەم بۆشاییەی هەیە لە نێوان هەردوو لایەنی تەكنەلۆژی و داهێنانكاریدا

1- پاڵپشتیكردنی ئەو چەمك و بەها ئەخلاقی و نیشتیمانیانەی كە پەیوەندیان بە كلتووری نەتەوەیی و تایبەتمەندی هزریەوە هەیە ، وە پتەوكردن و پشگیریكردنی ئەم كلتورە لە بواری مومارەسەكردنی تەلارسازیدا .
2- توانای لەخۆگرتن و تێگەیشتنی تەواوی ئەو پێشكەوتن و پەرەسەندنە جیهانیەی كە روویداوە لە تەلارسازیدا سوود بینین لێی لە بواری پاڵپشتیكردن و پتەوكردنی بەهاكانی تەلارسازی عێڕاقیدا.
3- پتەوكردن و بەهێز كردنی گیانی بەردەوامی و كۆڵنەدان لە پەرەدان بە رۆڵی پسپۆڕی لە رێی ئەنجامدانی توێژینەوە و لێكۆڵینەوەی زانستی و مەیدانی پتەو ، لەگەڵ خۆ ئامادە كردن بۆ تەواوكردنی خوێندنی باڵا (ماستەر و دكتۆرا) بۆ بەهێزتر كردنی بناغە و بنكەی داتا و زانیاری بە تینێكی نیشتمان پەروەرانەی بەرزەوە .
4- دانانی چەند بنەمایەك بۆ قوتابخانیەكی تەلارسازی عێڕاقی كە پێداگری بكات لەسەر ئەوەی كلتوری عێڕاقی ئلهام بەخش بێت لە ناوچەكەبەگشتی و لە عێڕاقدا بە تایبەتی بەڵام لە چوارچێوەی چەمكێكی پێشكەوتوانە و سەردەمیانە كە خاوەن رەگ و ریشەیەكی مێژوویی پتەوبێت و چەسپاندنی ئەم چەمكە بكرێت لەپێناو خزمەتكردنی نیشتیمان
5- چەسپاندنی چەمكی گرنگی ناوخۆیە لەو نەگۆڕە تەلارسازیانەی كە ژینگەی فیزیایی (ژینگەی كەش و سرووشت و رووناكی و چەمكەكانی دەنگ و پشوی ترمۆمەتری) و تایبەتمەندی شوێن لە نەخشەسازی گشتی شار و پێكهاتەی تەلارسازی و دیزاین لەخۆ دەگرێت .

بەشی ئەندازیاری تەلارسازی لەساڵی خوێندنی (2009 - 2010) دامەزراوە ، بەمەبەستی فەراهەم كردنی فیركردن و رۆشنبیری تەلارسازی سەردەمیانە لە رووی تەكنیكیەوە ، بەڵام ریشەدار بێت لە رووی ناوەرۆك و بەهای هەرێمی و ژینگەیی .پڕۆگرامی خوێندن وا ئامادەكراوە كە بتوانێت لێهاتوویی تیۆری و پراكتیكی بە قوتابی ببەخشێت و وای لێبكات كە دانەبڕێت لە بەها و ناوەرۆكە كۆمەڵایەتی و رۆشنبیری و ئابووریەكان . دەرچووانی ئەم بەشە ئامادە و شیاو دەبن بۆ ئەو رووبەڕووبوونەوە پراكتیكیانەی كە لە بازاڕی تەلارسازیدا لەسەر ئاستی دیزاین كردندا دووچاریان دەبێتەوە لەگەڵ تێگەیشتنی تەواو و گشتگیر بۆ بۆ پێوەرەكانی دیزاینی سەوز و پێداویستی تەكنیكی و بیناسازی بۆ بازاڕی عێڕاقی و هەرێمایەتی . قوتابیانی ئەندازیاری تەلارسازی وەك نێردەی زانكۆن ، ئەوان دوای پێنج ساڵ لەخوێندن بە تەواوی شیاو دەبن بۆ ئەوەی ببن بە هاوڕێی هاوپیشەكانیان ، سەرەڕای ئەمەش بەشەكەمان هەلی مەشقكردنی نێوخۆییان بۆ دەڕەخسێنێت لەسەر ئاستێكی زۆر بەرزی فێركاری جیهانی لە ئەندازیاری تەلارسازی

پاڵپشتیكردن لە گەشەكردنی هەرێمی كوردستان و عێڕاق لە رێگەی فەراهەمكردنی پڕۆگرامێكی خوێندنی جۆری كە بەها نێو خۆیی و كەلتووریەكانی ئیلهام بەخشی بێت لەبرگێكی تەلارسازی نوێ‌ و سەردەمیانە و پێشكەوتوو ، لەگەڵ دانانی بنكەی توێژینەوەیی و خزمەتگوزاری تەكنیكی پەیوەست بە ئەندازیاری تەلارسازی و پەیوەند بە پێشكەوتنی تەكنەلۆژی لە بواری بیناسازی و ژینگەدا