بەشی زانستە دارایی و بانكییەكان

ئەم بەشە پڕۆگرامێكی فێركاری تیۆری و پراكتیكی لە بواری دارایی و بانكیدا پێشكەش دەكات . ئەم پڕۆگرامە تایبەتمەندیەكەی لەوەدایە كە لە رووی كوالێتی و جۆریەوە وە بەپێی پێوەرە ئەكادیمی و پیشەیی و پیشەگەریەوە لە ئاستێكی بەرز دایە و لە داهاتوودا لەرووی ناوەخۆ و هەرێمی و جیهانیەوە دانی پێدەنرێت

پرۆگرامی خوێندن لە بەشی دارایی و بانكی هەوڵ دەدات ئەم ئامانجانە بەدەست بهێنێت :
1. پەرەدان بە چەمكی شیكاری لە قوتابیدا بە تایبەت ئەوی پەیوەندی هەیە بە چەمكی سەردەمیانە بۆ زانستە دارایی و بانكیەكان ،لە جیهانێكی دارایی پەرەسەندوو و ئاڵۆزدا
2. قوتابی توانای بڕیاردانی ببێت لەگەڵ بەكارهێنانی لێهاتووییە كارگێڕیەكان لە سنووری كار و پسپۆڕیەكەیان.
. 3قوتابیان كارامەیی و لێهاتوویی ، مەعریفە و توانای چاوەڕوانكراو بۆ بونیاتنانی دوارۆژێكی پیشەیی پڕشنگدار.
4. ئاماده كردنى قوتابیان دەرچوو له ئەم بەشە بۆ داواكارى بازاڕی كاركردن و توانايان بۆ دوزينەوەى كارىكى باش له بانك و رێكخراوە دارایەكانى ناوەخۆ و هەرێمی و جیهانیەوه
5. شیاندنی قوتابیان بۆ بەشداریكردنی كاریگەرانە لە پێشخستنی ئابووری ووڵات .

ئەم بەشە لە ساڵی 2013 دامەزراوە و دەرچوانی هەردوو بەشی ئامادەیی وێژەیی و زانستی وەردەگرێت لەگەڵ دەرچوانی بەشی بازرگانی . ئەم بەشە دوای چوار ساڵ خوێندن ئەو كادیرانەی لێدەردەچێت كە پسپۆڕی بەدەست دێنن لە بواری زانستە دارایی و بانكیەكان و مەشق پێكردنیان لەسەر ئەو كارامەیی و لێهاتنە پێشكەوتوانەی كە پێویستن بۆ خەمڵاندنی مەترسیەكان و قازانجە داراییەكان بەشێوەیەك كە دەرچوو بتوانێت لە رێكخراوەكان كاربكات و لێهاتوویی وژیریان لە بواری كار زیاتر بكات .هەر لەم بەشەدا قوتابیان پڕۆگرامی بەڕێوەبردنی بانكەكان , بەڕێوەبردنی پاكێجی دارایی , پاڵپشتی جیهانی دارایی, بازاڕی دراو , شیكردنەوەی دراوی كۆمپانیاكان , توانای بڕیاردان لەگەڵ فێربوونی چۆنیەتی گواستنەوەی بیردۆزە داراییەكان بۆ بڕیاردانی واقیعیانە

پەیامی بەشەكەمان بریتیە لە بەدیهێنان و بڵاوكردنەوەی مەعریفەت و پەرەدان بە توانا و لێهاتوویی و هەڵوێستەكانی پەیوەنددار بە كەرتی دارایی و بانكی و وەبەرهێنان ، بۆ وەڵامدانەوەی داواكاریەكانی بازاڕی ناوخۆیی و جیهانی . ئەم ئامانجەش لە رێگەی شەونخوونی و كاركردنی بەردەوامی نەبڕاوە بەدەست دێت ، هەروەها بە سەركەوتن لە جێبەجێكردنی پڕۆگرامەكانی ئەم بەشە