كۆنفرانسی چوارەمی زانستی قوتابیان

زانكۆی جیهان – هەولێر , رۆژی یەكشەمە 31 / 5 / 2015  چوارەمین كۆنفرانسی زانستی قوتابیانی قۆناغی چواری گرێدا . كۆنفرانسەكە لەلایەن سەرۆكی زانكۆ بەڕێز دكتۆر ئەمجەد صابر كرایەوە و ژمارەیەك لە مامۆستایان و قوتابیانی زانكۆ ئامادەی كۆنفرانسەكە بوون .

 لێژنەی راوێژكاری لەم بەڕێزانەی خوارەوە پێك هاتبوو :

1- د. نەجدەت زەكی شاكر

2- د. رەحیم مەزیەد عەلی

3- مامۆستای یاریدەدەر . ئومێد ئیبراهیم حەسەن

دەسپێكی كۆنفرانسەكە بە ووتارێكی سەرۆكی زانكۆ  دەستی پێكرد , تیایدا سوپاسی قوتابیانی كرد لەسەر ئەو هەوڵ و كۆششەی كە داویانە و داوای سەركەوتن و داهاتوویەكی باشی  بۆ خواستن لە ژیانی پیشەییاندا

شایانی باسە ژمارەی توێژینەوەكانی كۆنفرانس بریتی بوو لە 362 توێژینەوە , و 37 لەم توێژینەوانە لە هۆڵە جیاوازەكانی زانكۆدا گفتووگۆی لەسەر كرا .