لە ڕیزبەندى تایمزى بەریتانى بۆ زانکۆکانى وڵاتانى عەرەبى؛ زانکۆى جیهان-هەولێر یەکەمى سەرجەم زانکۆ تایبەتەکانى عێراق و هەرێمى کوردستانە
لە ڕێزبەندیەکى دیکەى زانکۆکانى وڵاتانى عەرەبى و عێراق و هەرێمى کوردستان، زانکۆى جیهان-هەولێر یەکەمى سەرجەم زانکۆ تایبەتەکانى عێراق و هەرێمى کوردستانە.
ئەمڕۆ چوارشەممە ڕێکەوتى (15/11/2023) ڕیزبەندى تایمزى بەریتانى بۆ خوێندنى باڵا لەسەر ئاستى زانکۆکانى وڵاتانى عەرەبى (Times Higher Education- Arab University Rankings 2023) نوێترین ڕاپۆرتى بڵاوکردەوە، کە تیایدا زانکۆی جیهان-هەولێر توانى لەم ڕێزبەندیەشدا ببێتە یەکەمى سەرجەم زانکۆ تایبەتەکانى عێراق و هەرێمى کوردستان و، دووەمى زانکۆ حکومی و تایبەتەکانى هەرێمى کوردستان.
ئەو پێشکەوتنە سەرنجڕاکێش و بەردەوامانەى زانکۆى جیهان-هەولێر دەگەڕێتەوە بۆ هەوڵ و بەرهەمی ماندووبوونى توێژەران و ستافى زانستى زانکۆ؛ کە بەردەوام لەبەر ڕۆشنایی ستراتیژ و پلانى سەرۆکایەتى زانکۆ کاردەکەن بۆ ئەوەی زانکۆى جیهان-هەولێر وەک دامەزراوەیەکى ئەکادیمى بەردەوام بێت لە بڵاوکردنەوەی پەیامەکەی و هەمیشە چرایەکی زانستی ڕوناک بێ لە ئاستى کوردستان و عێراق و جیهان.
کۆمەڵگە و داهاتى پیشاسزى و کاریگەرى پیشەسازى تێڕوانینى جیهانى قوتابیى نێودەوڵەتى
ڕیزبەندى تایمزى بەریتانى بۆ خوێندنى باڵا بۆ زانکۆکانى وڵاتانى عەرەبى (Times Higher Education- Arab University Rankings 2023) لەسەر بنەمای پێنج بوارى سەرەکییە؛ ئەوانیش بریتین لە وانەوتنەوە (ژینگەی فێربوون)، توێژینەوە (قەبارە یان ڕێژەی بەرهەمهێنانی توێژینەوە، داهاتی توێژینەوە، ناوبانگ) و سایتەیشن و ئاماژە (توێژینەوە کاریگەری)، تێڕوانینى جیهانى (بوونى فێرخوازى نێودەوڵەتى)، پەیوەندى لەگەڵ کۆمەڵگە.
لەسەر ئەو بنەمایانەش زانکۆى جیهان-هەولێر بەردەوام لە هەوڵى زیادبوونی پلەی کاریگەریی کارە زانستى و ئەکادیمیەکانیەتى بەتایبەت لە زیادبوونی ڕێژەی بڵاوکردنەوەی زانستی و ڕێژەى سایتەیشن و زیادبوونی هاوکاری زانستی و دابینکردنی چارەسەری داهێنەرانە، جگە لە گرنگیدانى بە کوالیتی خوێندن و قەبارەی هاوکاری نێودەوڵەتی لە بوارەکانی خوێندنی باڵا و توێژینەوەی زانستی، هەروەها هاوکاری لەگەڵ توێژەرانی وڵاتانی جیای جیهان.
بۆ خوێندنەوەى تەواوى نوێترین ڕاپۆرتى ڕیزبەندى تایمزى بەریتانى بۆ خوێندنى باڵا بۆ زانکۆکانى وڵاتانى عەرەبى، لەم بەستەرەدا بخوێننەوە (https://drive.google.com/file/d/1RMKCPB0p6iS7pGKoLrJcuwWpgaVwVTj/preview).
