پڕۆفیسۆر دکتۆر ئەمجەد سابر دەلۆ سەرۆکى زانکۆى جیهان-هەولێر پیرۆزبایی لە فێرخوازان و مامۆستایان دەکات

بە بۆنەى بەدەستهێنانى پلەی یەکەمى سەرجەم زانکۆ تایبەتەکانى عێراق و هەرێمى کوردستان  بۆ ساڵی سێیەم لە سەر یەک لە ڕیزبەندى نێودەوڵەتی (InCites – Web of Science WoS) پڕۆفیسۆر دکتۆر ئەمجەد سابر دەلۆ سەرۆکى زانکۆى جیهان-هەولێر، پەیامێکى پیرۆزبایی ئاراستەى سەرجەم مامۆستایان و توێژەران و فێرخوازان و کارمەندان دەکات؛ کە ئەوەش دەقەیەکەیەتى…

مامۆستایان و توێژەرانى بەڕێز..

فێرخوازانى خۆشەویست

جێگەى خۆشحاڵیمانە، کە بۆ ساڵى سێەم لەسەریەک زانکۆى جیهان-هەولێر لە ڕیزبەندى نێودەوڵەتی (InCites – Web of Science WoS) پلەی یەکەمى سەرجەم زانکۆ تایبەتەکانى عێراق و هەرێمى کوردستانی بەدەستھێنا ، هاوکات پلەى چوارەمی سەر ئاستى سەرجەم زانکۆ حکومى و تایبەتەکانی هەرێمى کوردستان هێناوە و، لە پلەی دەیەمی سەر ئاستى سەرجەم زانکۆ حکومى و تایبەتەکانی عیراق هاتووە.

بەو بۆنەیەوە پیرۆزبایی لە یەکەکەى مامۆستایان و توێژەرانى ئازیز و، فێرخوازانى خۆشەویست دەکەم، شانازییە کە زانکۆکەتان لە بەرەوپێشچونى بەردەوامدایە و، بەیەکەوە توانیومان کاریگەرى ئەرێنى و جدى دروست بکەین، دوپاتیشى دەکەینەوە لەسەر هەمان ڕێچکەى زانستى بەردەوام دەبین تا هەمیشە زانکۆى جیهان-هەولێر لە پێشەنگى زانکۆکان بمێنێتەوە و، دەسکەوتى زانستى دیکەش بەدەست بهێنین.

                                                                    پڕۆفیسۆر

                                                          دکتۆر ئەمجەد سابر دەلۆ

                                                        سەرۆکى زانکۆى جیهان-هەولێر