پەیامى سەرۆکى زانکۆى جیهان-هەولێر بەبۆنەى جەژنى ڕەمەزانى پیرۆز

پڕۆفیسۆر دکتۆر ئەمجەد سابر دەلۆ سەرۆکى زانکۆى جیهان-هەولێر بەبۆنەى هاتنەوەى جەژنى ڕەمەزانى پیرۆز، پیرۆزبایی لە مامۆستایان و فەرمانبەران و فێرخوازانى زانکۆى جیهان-هەولێر بەتایبەت و موسڵمانان بەگشتى دەکات، کە ئەمەش دەقەکەیەتى:

بەناوى خوداى گەورە و میهرەبان

مامۆستایانى بەڕێز…

فەرمانبەرانى ئازیز…

فێرخوازانى خۆشەویست…

بەبۆنەى هاتنى جەژنى ڕەمەزانى پیرۆز، بەناوى سەرۆکایەتى ئەنجومەنى زانکۆى جیهان-هەولێر پیرۆزبایی جەژنتان لێ دەکەم، لە خوداى مەزن داواکارم ڕۆژى و تاعەت و عیبادەتى ئێوە و تەواوى موسڵمانانى لە مانگى ڕەمەزان قبوڵ کردبێت.

لەم بۆنە پیرۆزەدا دوپاتى دەکەینەوە، کە زانکۆکەتان بەردەوام دەبێ لە کارە زانستى و ئەکادیمیى و مرۆییەکانى، دەستکەوت و سەرکەوتنە مەزنەکانی زانکۆکەشمان بەڵگەیەکی ڕوونە بۆ کارکردنی پێکەوییمان، دوایین سەرکەوتنی زانکۆشمان بەدەستهێنانى پلەى یەکەم بوو لەسەر ئاستى سەرجەم زانکۆ حکومى و تایبەتەکانى عێراق لە نوێترین وەشانى (AD Scientific Index).

لە کۆتاییدا؛ جارێکی تر جەژنى ڕەمەزانتان لێ پیرۆز دەکەم و هیوادارم هەموو ڕۆژێکتان جەژن و شادى بێ و، پێکەوە لەگەڵ خێزان و دۆست و خۆشەویستانتان ڕۆژانى خۆش بەسەربەرن.

پڕۆفیسۆر دکتۆر ئەمجەد سابر دەلۆ

                                                                سەرۆکى زانکۆى جیهان-هەولێر