گروپێک لە فێرخوازانی بەشی تەکنیکى وێنەگرتنى تیشکى چالاکیەکیان دەربارەی شێرپەنجەی مەمک لە قوتابخانەی مەعاریفی تایبەت بەڕێوەبرد

زانیارییە سەرەکییەکان:

ڕۆژی سێشەممە ڕێککەوتی 20/10/2026، گروپێک لە فێرخوازانی قۆناغی دووەم لە بەشی تەکنیکى وێنەگرتنى تیشکى لە زانکۆی جیهان-هەولێر، سیمینارێکی هۆشیارییان دەربارەی شێرپەنجەی مەمک (Breast Cancer) لە قوتابخانەی مەعاریفی تایبەت ئەنجام دا.

چالاکیەکە بە سەرپەرشتیی مامۆستای یاریدەدەر ئەسماء ئامین غەریب بەڕێوەچو، لە کاتی گەییشتنیاندا، فێرخوازان لەلایەن دکتۆر زینب الصفار، سەرپەرشتیاری گشتیی قوتابخانەکە و، هند حسن محمد، بەڕێوەبەری ئەکادیمی پێشوازییان لێکرا.

نیشانەکانی نەخۆشییەکە:

لە بڕگەی یەکەمى چالاکیەکەیاندا، فێرخواز نەورس غانم عبيد لە قۆناغی دووەم، بابەتێکی دەربارەی نیشانەکان و بەرزکردنەوەی ئاستی هۆشیاری لەنێو ئافرەتاندا پێشکەش کرد. پاشان، فێرخواز رانيا حسن محمد لە قۆناغی دووەم، تیشکی خستە سەر ڕێگەکانی دەستنیشانکردنی پێشوەختە (Early Detection) و جیاوازیی نێوان خۆپشکنینی پرۆسەیی، پشکنینی کلینیکی و، مامۆگرافی (Mammography).

 ڕێکارەکانی خۆپاراستن:

لە تەوەرێکی دیکەى چالاکیەکەیاندا، فێرخواز هاجر جمعە إسماعيل لە قۆناغی دووەم، باسی لە هۆکارەکانی مەترسیی پەیوەست بە شێوازی ژیان و خۆراک کرد، لەگەڵ ڕوونکردنەوەی ڕۆڵی تەکنەلۆژیای تیشک لەوانەش مامۆگرافی، گرتنی دەنگەپێل (Ultrasound) و، وێنەگرتن بە لەرەلەری موگناتیسی (MRI) بۆ دیاریکردنی وەرەمەکان.

 ئەنجامی سیمینارەکە:

سیمینارەکە بە ئاڵوگۆڕی پرسیار و وەڵام کۆتایی هات. لە کۆتاییدا، دکتۆر زینب الصفار، سەرپەرشتیاری گشتیی قوتابخانەی مەعاریفی تایبەت سوپاس و پێزانینی خۆی ئاڕاستەی شاندی زانکۆی جیهان-هەولێر کرد.