فێرخوازانی زانکۆی جیهان-هەولێر لە پۆڵەندا ئامادەی وانەیەکی ئەکادیمیی یەکێک لە براوەی خەڵاتی نۆبڵ لە بوارى کیمیادا دەبن

زانیارییە سەرەکییەکان:

 ڕۆژی سێشەممە ڕێککەوتی 20/10/2026، هەریەک لە (نەبا حوسێن کەریم) فێرخوازى قۆناغى دوەم لە بەشى نیوتریشن و دایەتێتیکس و (مینا حوسێن کەریم) فێرخوازى قۆناغى چوارەمى بەشى بایۆمیدیکاڵ لە زانکۆى جیهان-هەولێر، بەشدارییان لەوانەیەکى ئەکادیمیی تایبەتدا کرد لە هۆڵی کریستاڵ (Crystal Hall) لە زانکۆی وارسۆ بۆ زانستەکانی ژیان (SGGW) لە وڵاتی پۆڵەندا بەڕێوەچوو.

لەم چالاکییە زانستییەدا، فێرخوازان دەرفەتی چاوپێکەوتنیان لەگەڵ پڕۆفیسۆر مۆرتن مێڵداڵ (Prof. Morten P. Meldal)، براوەی خەڵاتی نۆبڵ لە بوارى کیمیای ساڵی 2022دا بۆ ڕەخسا.

وانەی زانستیی هەموان کيمیایە

 لە ماوەی چالاکییەکەدا، پڕۆفیسۆر مۆرتن مێڵداڵ وانەیەکی ئەکادیمیی سەرنجڕاکێشی بەناونیشانی «هەموان کیمیایە» (Everything Is Chemistry) پێشکەش کرد. ئەم وانەیە دەرفەتێکی زانستیی دەگمەن و بەنرخی بۆ فێرخوازانی زانکۆی جیهان-هەولێر ڕەخساند تا زانیاریی لە سەرچاوەیی ڕاستەوخۆ و لە یەکێک لە زانا پێشەنگەکانی جیهان لە بواری کیمیا و زانستەکانی ژیاندا وەربگرن.

پێگەی زانستیی پڕۆفیسۆر مۆرتن:

پڕۆفیسۆر مۆرتن مێڵداڵ زانایەکی کیمیاییی دانیمارکییە کە ناوبانگێکی جیهانیی هەیە بەهۆی بەشدارییە پێشەنگەکانی لە پەرەپێدانی زانستی «کیمیای کلیلکردن» (Click Chemistry). خەڵاتی نۆبڵی کیمیای ساڵی 2022ی بە شێوەیەکی هاوبەش لەگەڵ زانایان کارۆلین بێرتۆزی (Carolyn R. Bertozzi) و باری شارپلێس (K. Barry Sharpless) بەدەست هێنا، ئەوەش لە بەرامبەر داهێنانی کیمیای کلیلکردن و کیمیای بایۆئۆرسۆگۆناڵ (Bioorthogonal Chemistry)، کە ئامرازی زانستیی بنەڕەتییان بۆ توێژینەوە کیمیایی و بایۆلۆجییە پێشکەوتووەکان دابین کردووە.

ئەنجامی بەشدارییەکەیان:

 ئەم چالاکییە ئەکادیمییە دەرفەتێکی بەنرخی بۆ فێرخوازانی زانکۆی جیهان-هەولێر ڕەخساند تا ئاشنای نوێترین توێژینەوە زانستییە ئاستبەرزەکانی جیهان ببن سوودى لێ وەربگرن بۆ پەرەپێدانی زانستی و پیشەییی داهاتوویان وەربگرن.

لە کۆتاییدا، فێرخوازان جەختیان لەسەر گرنگیی بەردەوامیی ئەم جۆرە بەشدارییە ئینتەرناشناڵییانە کردەوە لە دەوڵەمەندکردنی ئەزموونی ئەکادیمی و بەهێزکردنی ئاسۆی زانستییان لە وڵاتی پۆڵەندا.