فێرخوازانی بەشی تەکنیکى وێنەگرتنى تیشکى باس لە گرنگیی وێنەگرتنى پزیشکی بۆ قوتابیانى قوتابخانەی ئەرگۆشیی تێکەڵاو دەکەن

زانیارییە سەرەکییەکان: لە ڕۆژی چوارشەممە ڕێککەوتی 21/10/2026، گروپێک لە فێرخوازانی قۆناغی سێیەم لە بەشی تەکنیکى وێنەگرتنى تیشکى لە زانکۆی جیهان-هەولێر، سیمینارێکی هۆشیارییان دەربارەی گرنگیی پسپۆڕیی وێنەگرتنى پزیشکی بۆ قوتابیانی پۆلی نۆیەم لە قوتابخانەی ئەرگۆشیی تێکەڵاو ئەنجام دا.

چالاکیەکە بە سەرپەرشتیی مامۆستای یاریدەدەر نور سامي عمر بەڕێوەچوو، لە کاتی گەییشتنیاندا، لەلایەن ڕێبوار عوسمان، بەڕێوەبەری قوتابخانە پێشوازییان لێکرا.

 ناساندنی ئامێرە تیشکییەکان: لە بڕگەى یەکەمى سیمینارەکەدا، فێرخواز ئایە مەریوان جەلال ڕۆڵی تەکنیکاری تیشکی لە نەخۆشخانەکاندا ڕوون کردەوە.

 پاشان، فێرخواز سداف وريا حكيم ئامێرەکانی تیشکی ئێکس (X-ray)، دەنگەپێل (Ultrasound)، سیتی سکان (CT) و، ڕەزۆنانسی موگناتیسی (MRI)ی ناساند. لە لایەکی دیکەوە، فێرخواز بشرى محمد وسو و فێرخواز يارين رزگار عبدي باسیان لە دەستنیشانکردنی پێشوەختەی نەخۆشییەکان کرد.

خۆپاراستن لە تیشک: لە بەشێکی دیکەدا، فێرخواز نازنين عثمان حسين تیشکی خستە سەر مامۆگرافی (Mammography) بۆ دەستنیشانکردنی شێرپەنجەی مەمک.

لە کۆتاییدا، فێرخواز نیگا رحیم ئەحمەد باسی لە ڕێکارەکانی خۆپاراستن لە تیشک دانان (Radiation Protection) و ئاسۆی کارکردن کرد.

 ئەنجامی سیمینارەکە: سیمینارەکە بە ئاڵوگۆڕی پرسیار و وەڵام لە نێوان فێرخوازانى زانکۆى جیهان-هەولێر و قوتابیانى قوتابخانەکە کۆتایی هات. لە کۆتاییدا، فێرخوازان سوپاسى مامۆستا ڕێبوار عوسمان، بەڕێوەبەری قوتابخانەی ئەرگۆشیی تێکەڵاو کرد.