قونسولی گشتی كۆماری پۆلاند سه‌ردانی زانكۆی جیهان هه‌ولێر ده‌كات

سه‌رله‌به‌یانی ڕۆژی چوارشه‌ممه‌ 29/7/2020 به‌ڕێز دۆمینیك موسیال قونسولی گشتی قونسولگه‌ری كۆماری پۆڵه‌ند له‌ هه‌ولێر سه‌ردانی زانكۆی جیهان- هه‌ولێری كرد.
به‌ڕێزیان له‌ لایه‌ن پڕۆفیسۆر دكتۆر ئه‌مجه‌د صابر ده‌لو سه‌رۆكی زانكۆ و یاریده‌ده‌ره‌كه‌ی بۆ كاروباری كارگێری و قوتابیان و ژماره‌یه‌ك سه‌رۆك به‌شی جیاواز له‌ زانكۆ پێشوازیان لێكرا.
سه‌ره‌تا سه‌رۆكی زانكۆ به‌ وته‌ی به‌خێرهاتن و ناساندنی ئاماده‌بوان دانیشتنه‌كه‌ ده‌ستی پێكرد.
دواتر به‌ڕێز دۆمینیك خۆشحالی خۆی به‌ سه‌ردانه‌كه‌ دربڕی و ئامانجی سه‌ردانه‌كه‌ی خسته‌ ڕوو كه‌، باسكردنی ڕه‌وشی خوێندن بوو له‌ جیهان به‌ گشتی و له‌ هه‌رێمی كوردستانی عیراق به‌تایبه‌تی. هه‌روه‌ها گفتوگۆ ده‌رباره‌ی شاند كردن و ئه‌م سه‌ردانه‌ی دواییه‌ی مامۆستایان و قوتابیانی به‌شی نیوتریشن بۆ زانكۆی وارشۆ.
هه‌ر له‌ دانیشتنه‌كه‌ باس له‌ گرینگی پڕسه‌ی خوێندن بۆ وڵاتان كرا له‌ گشت لایه‌نه‌كان. هه‌روه‌ها گرینگی هه‌ماهه‌نگی نێوان وڵاتان له‌م لایه‌نه‌.
له‌ لایه‌ن خۆشیه‌وه‌ پرۆفیسۆر دكتۆر امجد زیاتر ده‌رباره‌ی زانكۆ بۆ به‌ڕێزیان دوا وه‌ باسی گرینگی زانكۆی جیهان-هه‌ولێر ی كرد بۆ پڕۆسه‌ی خوێندن له‌ ناوچه‌كه‌ و به‌ژداری قوتابیانی زانكۆی جیهان هه‌ولێر له‌ داموده‌زگاكانی ده‌وڵه‌ت و پرۆسه‌ی سیاسی و ئه‌كادیمی له‌ وڵات و سود وه‌رگرتنی گروپی جیهان و كۆمپانیا ئه‌هلیه‌كان له‌ ده‌رچوانی زانكۆكه‌. به‌هه‌مان شێوه‌ په‌یوه‌ندی پته‌وی زانكۆ به‌ زانكۆكانی پۆلاند و واژوو كردنی چه‌ندین یاداشتنامه‌ی لێكتێگه‌یشتن له‌گه‌ڵ زانكۆكانی ئه‌م وڵاته‌.
دواتر هه‌ردوولا گفتوگۆی پته‌وكردنی په‌یوه‌ندیه‌كانیان له‌ گشت لایه‌نه‌كان كرد به‌تایبه‌تی دوای گه‌ڕانه‌وه‌ی باری ئاسایی بۆ جیهان له‌دوای په‌تای كۆڕۆنا.
له‌ كۆتایی سه‌رۆكی زانكۆ سوپاسی سه‌ردانی به‌ڕێز قونسولی گشتی كرد و داوای دووباره‌ بوونه‌وه‌ی ئه‌م جۆره‌ سه‌ردانانه‌ی له‌ به‌ڕێزیان كردوو درعی تایبه‌تی زانكۆی پێشكه‌ش كردن.